ប្រភពពី AFP ផ្សាយថា យន្តហោះប៊ូអុីងធុន៧៧៧ របស់ក្រុមហ៊ុនអាកាសចរណ៍អេស៊ីយ៉ាណា អ៊ែរឡាញ ត្រូវចុះចតបន្ទាន់នៅអាកាសយានដ្ឋានឡូសអេនជឺឡេស សហរដ្ឋអាមេរិករយៈពេល១៧ម៉ោង ក្រោយពីមានបញ្ហាធ្លាយប្រេង។អ្នកដំណើរប្រហែល២០០នាក់ត្រូវបានបញ្ជូនទៅសម្រាកក្នុងសណ្ឋាគារក្បែរអាកាសយានដ្ឋាន ខណៈអ្នកឯកទេសកំពុងធ្វើការជួសជុល ។
ប្រភពពី AFP ផ្សាយថា យន្តហោះប៊ូអុីងធុន៧៧៧ របស់ក្រុមហ៊ុនអាកាសចរណ៍អេស៊ីយ៉ាណា អ៊ែរឡាញ ត្រូវចុះចតបន្ទាន់នៅអាកាសយានដ្ឋានឡូសអេនជឺឡេស សហរដ្ឋអាមេរិករយៈពេល១៧ម៉ោង ក្រោយពីមានបញ្ហាធ្លាយប្រេង។អ្នកដំណើរប្រហែល២០០នាក់ត្រូវបានបញ្ជូនទៅសម្រាកក្នុងសណ្ឋាគារក្បែរអាកាសយានដ្ឋាន ខណៈអ្នកឯកទេសកំពុងធ្វើការជួសជុល ។
អ្នកនាំពាក្យក្រុមហ៊ុនអាកាសចរណ៍អេស៊ីយ៉ាណេបានថ្លែងថា ភាពរអាក់រអួលផ្នែកបច្ចេកទេសគ្រប់យ៉ាងនឹងទទួលការជួសជុលមុនពេលយន្តហោះដំណើរការឡើងវិញ ខណៈពេលជើងហោះហើរខាងលើ គ្រោងចាកចេញពីអាកាសយានដ្ឋានឡូសអេនជឺឡេស ឆ្ពោះទៅក្រុងសេអ៊ូលប្រទេសកូរ៉េខាងត្បូង ។
កាលពីថ្ងៃទី៦ កក្កដា យន្តហោះប៊ូអុីង៧៧៧ របស់ក្រុមហ៊ុនអាកាសចរណ៍អេស៊ីយ៉ាណា អ៊ែរឡាញក្នុងជើងហោះហើរទី២១៤ បានគ្រោះថ្នាក់ទង្គិចនឹងផ្លូវក្នុងអាកាសយានដ្ឋានអន្តរជាតិសានហ្វ្រានស៊ីស្កូ បណ្តាលឱ្យយន្តហោះមានភ្លើងឆាបឆេះ និងមនុស្សស្លាប់ចំនួន៣នាក់ និង១៨០នាក់ទៀតរងរបួស ។ករណីខាងលើចាត់ទុកថាជាហេតុការណ៍ដ៏អាក្រក់ ដែលបានកើតទៅលើក្រុមហ៊ុនអាកាសចរណ៍ដ៏ធំលំដាប់ទី២របស់កូរ៉េខាងត្បូង ។ ក្រុមអ្នកស្រាវជ្រាវពីអាមេរិក និងកូរ៉េខាងត្បូងកំពុងពិនិត្យមើលដើមហេតុនៃឧប្បត្តិហេតុនេះ ៕
ចែករំលែកព័តមាននេះ