ខេត្តបន្ទាយមានជ័យ ៖ អ្នកស្រុកជាច្រើននាក់បាននាំគ្នាអភិរក្សទីតាំងមួយដែលសង្ស័យថាមានប្រាសាទបុរាណក្នុងដី ដើម្បីទប់ស្កាប់ជនខិលខូចទៅជីកកកាយបន្តទៀត។ ទីតាំងមានប្រាសាទបុរាណក្នុងដីនេះ ស្ថិតនៅកណ្តាលព្រៃមួយទំហំប្រហែល៣ហិកតា ចំណុច671 ឬហៅប្រាសាទក្រៅ ក្នុងភូមិអូរអំពិល ឃុំទួលពង្រស្រុកម៉ាឡៃ។…
ខេត្តបន្ទាយមានជ័យ ៖ អ្នកស្រុកជាច្រើននាក់បាននាំគ្នាអភិរក្សទីតាំងមួយដែលសង្ស័យថាមានប្រាសាទបុរាណក្នុងដី ដើម្បីទប់ស្កាប់ជនខិលខូចទៅជីកកកាយបន្តទៀត។ ទីតាំងមានប្រាសាទបុរាណក្នុងដីនេះ ស្ថិតនៅកណ្តាលព្រៃមួយទំហំប្រហែល៣ហិកតា ចំណុច671 ឬហៅប្រាសាទក្រៅ ក្នុងភូមិអូរអំពិល ឃុំទួលពង្រស្រុកម៉ាឡៃ។
ទីតាំងខាងលើគេឃើញមានថ្មបាយក្រៀម និងថ្មបុរាណនៅខាងក្រោម ហើយទីនោះជាទីទួលខ្ពស់ខុសពីចំណុចផ្សេងៗ និងមានកស្សិណជុំវិញ ប៉ុន្តែដីគោកវិញ ហើយមានតែត្រកួន និងស្មៅដុះ។
អ្នកស្រុកលើកឡើងថា ទីនោះជាប្រាសាទបុរាណនៅក្នុងដី ហើយពួកគាត់មានជំនឿតែងតែធ្វើពិធីបួងសួងសុំសេចក្តីសុខជារៀងរាល់ឆ្នាំ ពោលគឺក្រោយរដូវច្រូតកាត់រួច។ អ្នកស្រុកបន្តថា កន្លងមក មានជនខិលខូចបានយកគ្រឿងចក្រទៅជីកកាយចំនួន2កន្លែង ដើម្បីរកវត្ថុបុរាណលើទួលនេះ ប៉ុន្តែមិនអាចយកអ្វីចេញបានឡើយ ថែមទាំងរត់អស់ ព្រោះមានបារមីទៅលងបន្លាច។
ពួកគាត់បន្តទៀតថា ក្នុងឃុំទួលពង្រ ស្រុកម៉ាឡៃ មានប្រាសាទបុរាណក្នុងដី3កន្លែង ប៉ុន្តែ2កន្លែងទៀត ត្រូវឈ្មួញជីកកាយខ្ទេចខ្ទី បន្សល់នៅតែថ្មប្រាសាទ និងថ្មបាយក្រៀមដូចជា(ប្រាសាទក្នុង) និង (ប្រាសាទច្រកចូល)។
អ្នលស្រុកលើកឡើងថា កន្លងមក ពេលនាំគ្នាទៅធ្វើពិធីបួងសួងចំណុចខាងលើ សមត្ថកិច្ចតែងតែទៅឃ្លាំមើលហាក់ដូចចង់រារាំង។
ព័ត៌មានពិស្តារនឹងមានផ្សាយនៅកាសែតកោះសន្តិភាព
ចែករំលែកព័តមាននេះ