តាមប្រភពពីMetro បានឱ្យដឹងថា សត្វឆ្កែមួយក្បាលត្រូវរងរបួសជាទម្ងន់ ក្រោយពីស៊ីកាំជ្រួចរបស់ក្មេងៗដែលអុជរួច។ តាមសម្តីរបស់មន្ត្រីអាជ្ញាធរ ក្មេងៗមួយក្រុមកំពុងលេងកាំជ្រួចជុំគ្នាយ៉ាងសប្បាយរីករាយ មុនពេលមានក្មេងម្នាក់ហៅសត្វឆ្កែមួយក្បាលមកជិត។
ក្មេងនោះ បានអុជកាំជ្រួច ហើយបោះឱ្យសត្វឆ្កែនោះត្របាក់។ លទ្ធផល គឺមិនមានអ្វីគួរឱ្យភ្ញាក់ផ្អើលនោះទេ ក្រៅពីបែកមាត់ខ្ទេច។ វាត្រូវបានរងរបួសជាច្រើនកន្លែង ដែលដល់ថ្នាក់បាក់ឆ្អឹងថ្គាម និង រលាករាលដាលនៅបរិវេណនោះ។
នៅក្នុងទីក្រុង San Lorenzo ប្រទេសប៉ារ៉ាហ្គាយ មានការប្រកាសណែនាំពីគ្រោះថ្នាក់នៃការប្រើប្រាស់កាំជ្រួចផ្តេសផ្តាស់កំឡុងពេលបុណ្យណូអែល។ តែនេះគឺជាករណីធ្វេសប្រហែសមួយដែលបង្កឡើងដោយក្មេងៗមិនដឹងអី។
តាមព័ត៌មានក្នុងស្រុក សត្វឆ្កែមួយក្បាលនោះ ត្រូវបានបញ្ជូនយកទៅពេទ្យសត្វ Dalia Benitez។ រូបថតរបស់សត្វឆ្កែ ត្រូវបានចែករំលែកពេញលើហ្វេសប៊ុក ដែលមានអ្នកខ្លះថា ឆ្កែនេះគឺជាជនរងគ្រោះដំបូងគេក្នុងថ្ងៃណូអែល ៕
ចែករំលែកព័តមាននេះ