ខេត្ដស្វាយរៀង ៖ តាមសេចក្តីរាយការណ៍បឋមបានឲ្យដឹងថា នគរបាលព្រហ្មទណ្ឌខេត្ដស្វាយរៀងបានឃាត់ជនសង្ស័យម្នាក់ទៅប៉ុស្តិ៍រដ្ឋបាលត្រពាំងស្ដៅ ពីបទល្មើសព្រហ្មទណ្ឌកើតឡើងមួយលើកនៅវេលាម៉ោង១៩និង១០នាទីថ្ងៃទី០១ ខែមករានេះ ពីករណីឃាតកម្មកើតឡើងនៅភូមិស្វាយប៉ោ ឃុំត្រពាំងស្ដៅ ស្រុករមាសហែក ។…
ខេត្ដស្វាយរៀង ៖ តាមសេចក្តីរាយការណ៍បឋមបានឲ្យដឹងថា នគរបាលព្រហ្មទណ្ឌខេត្ដស្វាយរៀងបានឃាត់ជនសង្ស័យម្នាក់ទៅប៉ុស្តិ៍រដ្ឋបាលត្រពាំងស្ដៅ ពីបទល្មើសព្រហ្មទណ្ឌកើតឡើងមួយលើកនៅវេលាម៉ោង១៩និង១០នាទីថ្ងៃទី០១ ខែមករានេះ ពីករណីឃាតកម្មកើតឡើងនៅភូមិស្វាយប៉ោ ឃុំត្រពាំងស្ដៅ ស្រុករមាសហែក ។
សេចក្តីរាយការណ៍បានបន្តថា ដោយជនសង្ស័យឈ្មោះ ហោ មាំង ភេទប្រុស អាយុ៣៦ឆ្នាំ រស់នៅភូមិស្វាយប៉ោ ឃុំត្រពាំងស្ដៅ ដែលជាមនុស្សវិកលចរឹក (តែពុំមានលិខិតបញ្ជាក់ពីគ្រូពេទ្យទេ) បានយកឫស្សីចុងស្រួចចាក់ទៅលើឈ្មោះ ចិន សាមិត្ត ភេទស្រី អាយុ៨២ឆ្នាំ ត្រូវជាអ៊ំបង្កើត រស់នៅផ្ទះជាមួយគ្នា ចំបំពង់ក បណ្ដាលអោយស្លាប់ នឹងវាយហើយចាក់ទៅលើឈ្មោះ ចិន ផាស់ ភេទស្រី អាយុ៤៧ឆ្នាំ ជាមីងបង្កើត ដែលរស់នៅផ្ទះជាមួយគ្នា បណ្ដាលអោយរងរបួសធ្ងន់ទៀត ។
នៅពេលនោះដែរបងប្អូនអ្នកភូមិបាននាំគ្នាមកព័ទ្ធចាប់ជនសង្ស័យបាន ដែលបច្ចុប្បន្នជនរងគ្រោះឈ្មោះ ចិន ផាស់ ត្រូវបានបញ្ជូនទៅព្យាបាលនៅមន្ទីរពេទ្យខេត្តស្វាយរៀង ។ រីឯជនសង្ស័យឃាត់ខ្លួននៅប៉ុស្តិ៍រដ្ឋបាលត្រពាំងស្ដៅ កំពុងចាត់ការតាមនីតិវិធី ៕
ចែករំលែកព័តមាននេះ