រាជធានីភ្នំពេញ ៖ គិតមកត្រឹមល្ងាចថ្ងៃទី២៨ ខែធ្នូ នេះកញ្ញាទេព បូព្រឹក្ស បានព្រមព្រៀងបញ្ចប់រឿងជនបង្កជះស្រាបៀរមកលើកញ្ញា ខណៈពេលកំពុងតែច្រៀងនោះ ។ ពេលនេះជន បង្កបានសងជំងឺចិត្តទៅលើនាងចំនួន១០,០០០ដុល្លារ ដែលពីមុននាងទារចំនួន១០ម៉ឺនដុល្លារ ។
ថ្លែងក្នុងពិធីសន្និសីទសារព័ត៌មាន កញ្ញា ទេព បូព្រឹក្ស ដែលជាតារាជួរមុខមួយរូបដែលមានកេរ្តិ៍ឈ្មោះល្បីបាននិយាយថា សម្រាប់សំណងជំងឺចិត្ត១ម៉ឺនដុល្លារនេះ កញ្ញានឹងបរិច្ចាគ៣,០០០ដុល្លារ ទៅកាន់មន្ទីរពេទ្យគន្ធបុប្ផា ហើយនៅសល់៧,០០០ដុល្លារទៀត ត្រូវផ្តល់ជូនសមាគមអ្នកសិល្បៈសម្រាប់ចាត់ចែងបន្ត ។
រីឯជនបង្កឈ្មោះ ឆេង រស្មី លោកបានទទួលស្គាល់ពីទោសរបស់ខ្លួនដោយបាននិយាយសារភាពថា ខ្លួនបានទទួលស្គាល់កំហុសហើយ ដោយសារតែពេលនោះខ្លួនស្ថិតក្នុងស្ថានភាពស្រវឹង មិនអាចគ្រប់គ្រងស្មារតីបាន និងលោកសន្យាថា លែងឲ្យមានកំហុសបែបនេះកើតឡើងម្តងទៀតហើយ ៕
គូររំលឹក ៖ថៅកែហាង«សមុទ្រ»បំផ្លាញកាមេរ៉ាចោលឬ? ករណីកញ្ញាទេព បូព្រឹក្ស…(មានវីដេអូ)
ចែករំលែកព័តមាននេះ