រាជធានីភ្នំពេញ៖ចាប់តាំងពីលោកអឹុង រដ្ឋា ហៅទុយពិធីកររបស់ទូរទស្សន៍ស៊ីធីអិនបាត់បង់ម្តាយមក លោកហាក់មានអារម្មណ៍តានតឹងចេញពីក្នុងចិត្ត ។ ជារឿយៗគេឃើញពិធីករអឹុង រដ្ឋា បង្ហាញឲ្យឃើញពីការផ្តោតអារម្មណ៍ជ្រោងគ្រួសារបើទោះជាលំបាកយ៉ាងណាក្តី ។ លោកគិតគ្រួសាររហូតសូម្បីតែរឿងគូគាប់ផ្ទាល់ខ្លួនមិនអើពើផង…
រាជធានីភ្នំពេញ៖ចាប់តាំងពីលោកអឹុង រដ្ឋា ហៅទុយពិធីកររបស់ទូរទស្សន៍ស៊ីធីអិនបាត់បង់ម្តាយមក លោកហាក់មានអារម្មណ៍តានតឹងចេញពីក្នុងចិត្ត ។ ជារឿយៗគេឃើញពិធីករអឹុង រដ្ឋា បង្ហាញឲ្យឃើញពីការផ្តោតអារម្មណ៍ជ្រោងគ្រួសារបើទោះជាលំបាកយ៉ាងណាក្តី ។ លោកគិតគ្រួសាររហូតសូម្បីតែរឿងគូគាប់ផ្ទាល់ខ្លួនមិនអើពើផង ។
ពិធីករអឹុង រដ្ឋា ហៅទុយដែលចាប់ដៃគូជាមួយអ្នកនាងយុគ ចិន្តាក្នុងកម្មវិធី«សោភ័ណតន្ត្រីស៊ីធីអិន»ជាតន្ត្រីផ្សាយផ្ទាល់រាល់វេលាថ្ងៃត្រង់ថ្ងៃសៅរ៍នៅតែគេមើលឃើញថាលោកហាក់ស្រពាប់ស្រពោនចិត្តចាប់តាំងពីខ្សែជីវិតមានភាពញាំញី ដូចជាស្នេហ៍មិនសមប្រកបបែកខ្ញែករហូតលោកមិនដែលលាន់មាត់បង្ហើតថាមានមនុស្សស្រីថ្មីណាដែលដក់ចិត្តនោះទេ។ ភាគច្រើនលោកយកអារម្មណ៍គិតដល់បញ្ហាក្រុមគ្រួសារដែលមិនអាចបណ្តោយឲ្យដួលបានក្នុងពេលបន្ទុកត្រូវតែបង្ហាញភាពរឹងប៉ឹងជាទីបំផុត។ ពិសេសក្រោយពេលម្តាយលោកបានចែកឋាន អារម្មណ៍តែច្របល់រឹតតែប្រមូលការតាំងចិត្ត ។
កាលពីថ្ងៃទី២៣ ធ្នូ ឆ្នាំ២០១៨ លោកទុយ បានសរសេរសារមួយលើហ្វេសប៊ុករបស់លោកដោយសារនោះបង្កប់នូវភាពតានតឹង ។ លោកទុយលើកឡើងថា ៖ «អរគុណទាំងអស់គ្នា ខ្ញុំមិនមានជម្ងឺអីទេ ហេីយរឹតតែមិនចង់ស្លាប់ទៀត។ ក៏ប៉ុន្តែប៉ុន្មានយប់នេះខ្ញុំចេះតែយល់សប្តិឃើញម្តាយខ្ញុំ ហើយយប់ខ្លះខ្ញុំដេកយល់សប្តិថាខ្លួនស្លាប់ដូចមែនទែន ។ ខ្ញុំពិតជាខ្លាចស្លាប់ណាស់ព្រោះខ្លាចគ្មានអ្នកណាមេីលថែ ប្អូនៗ និងក្មួយពិសេសពុករបស់ខ្ញុំ ។
វីដេអូដែលខ្ញំថតខ្ញុំបង្ហោះព្រោះតែមូលហេតុ១គត់ គឺចង់អរគុណដល់អ្នកដែលជួយខ្ញុំ ជួយប្អូនខ្ញុំកន្លងមក ព្រោះខ្ញំមិនអាចនិយាយរឿងផ្ទាល់ខ្លួនក្នុងម៉ោងការងារនៅស៊ីធីអិបានទេ ។ខ្ញុំមិនចង់គិតច្រើនទេក្នុងរយៈ៦ឆ្នាំនេះ តែវិប្បដិសារីយ៍មួយនេះវាតែងតែមកមកលងបន្លាចខ្ញុំស្ទេីរតែរាល់យប់ ។
ខ្ញុំថតវីដេអូនេះគ្មានទេដើម្បីចង់បានទទួលការអាណិត ឬហេតុផលផ្សេងនោះទេ ។ ខ្ញុំគ្រាន់តែចង់អរគុណអ្នកទាំងនេះចេញពីបេះដូងពិតពិតរបស់ខ្ញុំ ដោយសារខ្លាចវេលាណាមួយខ្ញុំចាកចេញទៅដោយមិនបាននិយាយពាក្យក្នុងចិត្តនេះទៅកាន់ពួកគាត់ ។ បងប្អូនខ្លះអាចវាយតម្លៃខ្ញុំទៅរឿងផ្សេងតាមគាត់ចុះ តែសម្រាប់ខ្ញុំវាគប្បីនឹងមនសិការខ្ញុំ ។ ខ្ញុំអរគុណអ្នកគ្រប់គ្នាដែលបានមេីលវីដេអូរបស់ខ្ញុំបាទ បើទោះនេះវាជារឿងផ្ទាល់ខ្លួនខ្ញុំក៏ដោយ »។
លើទំព័រហ្វេសប៊ុកដដែល លោកទុយបានសរសេររៀបរាប់ថា «ខ្ញុំមិនមានប្រពន្ធទេ តែមានស្រីច្រើន ហើយមានភារៈជួយ និងចិញ្ចឹមពួកគេ ។ ស្រីម្នាក់ឈ្មោះប្អូនទី២ ប្អូនទី៣ ក្មួយស្រី និងប្អូនប្រុសពៅ រួមទាំងកូនប្រុស កំពុងនៅសិក្សា ។ ពិសេសសល់លុយតិចតួច ទុកសម្រាប់ធ្វើបុណ្យ ឲ្យស្រីម្នាក់ទៀត ដែលចាកចោលខ្ញុំ គ្មានថ្ងៃត្រលប់ គឺម្តាយខ្ញុំ ។ ប្រាក់ខែខ្ញុំ១ខែ ស្រីរបស់ខ្ញុំទាំងនេះ ចាយមិនចង់គ្រប់ផង។ អ៊ីចឹងខ្ញុំពិតជាមានស្រី រួមមានទាំងប្រុសក្មេងផង ។ អ្នកដែលថាខ្ញុំមានស្រី គឺត្រឹមត្រូវ តែមិនមានតែម្នាក់ទេ ។
មិនមែនអាត្មានិយមទេ តែជាភារៈសម្រាប់រៀមច្បងគ្រួសារ មិនថាប្រុស ឬជាស្រី ជាពិសេសនៅមានប្រុសម្នាក់ទៀត ដែលសំខាន់ គឺជាលោកឳពុកខ្ញុំ ។ ខ្ញុំគឺសសរទ្រូងនៃភាពកក់ក្តៅសម្រាប់គ្រួសាររបស់ខ្ញុំ បន្ទាប់ពីអត់មានម្តាយមើលថែបងប្អូន អ៊ីចឹងខ្ញុំត្រូវមានភារកិច្ចមើល ប្អូនៗ» ។ លោកទុយនៅជាបុរសពោះម៉ាយ បន្ទាប់ពីបានបែកបាក់គ្នាអស់រយៈពេលច្រើនឆ្នាំហើយ មកនេះ ៕
ចែករំលែកព័តមាននេះ