ខេត្តត្បូងឃ្មុំ ៖ ជនសង្ស័យចំនួន០៣នាក់ ត្រូវបានកម្លាំងសមត្ថកិច្ចចាប់ខ្លួន ដោយបានជាប់ចោទលួចកាប់ដើមម៉ៃសាក់របស់ក្រុមហ៊ុនអេសអភីអ៊ិនធើណេសសិនណល់ (អាមេរិកកាំង) អស់ជាច្រើនរយដើម ដោយបានលើកដាក់លើរថយន្តក្នុងបំណងយកទៅលក់ តែត្រូវបានចាប់ខ្លួនដោយដកហូតបានរថយន្ត និងត្រង់ស៊ីន័រមួយគ្រឿង ក្នុងតំបន់អណ្តូងខួច ភូមិព្រះអង្គ ឃុំរកាពប្រាំ ស្រុកត្បូងឃ្មុំ និងបានបញ្ជ
ទៅសាលាដំបូងខេត្ត នាព្រឹកថ្ងៃទី២៥ ធ្នូ ២០១៨ ។
លោកវរសេនីយ៍ត្រី សេង មិ អធិការរងនគរបាលស្រុកត្បូងឃ្មុំ ទទួលផែនព្រហ្មទណ្ឌប្រាប់ថា ក្រុមជន
សង្ស័យទាំងនោះមានទី១- ឈ្មោះ ឆែម ឈិត ភេទប្រុស អាយុ២៤ឆ្នាំ ភូមិថ្មពេជ្រទី១ ឃុំថ្មពេជ្រ ស្រុកត្បូងឃ្មុំ អ្នកកាន់ត្រង់ស៊ីណ័រ ២-ឈ្មោះ អ៊ួន ចូវ ភេទប្រុស អាយុ៤២ឆ្នាំ អ្នកបើកបរគោយន្តកែច្នៃ ទី៣-ឈ្មោះ ចូច សុខនីន ភេទប្រុស អាយុ១៨ឆ្នាំ នៅភូមិថ្មពេជ្រទី៣ ឃុំថ្មពេជ្រ អ្នកលើកដើមម៉ៃសាក់ ។
អធិការរងនគរបាលស្រុកត្បូងឃ្មុំប្រាប់បន្តថា នៅវេលាម៉ោង១រសៀល ថ្ងៃទី២៤ ធ្នូ ២០១៨ សមត្ថកិច្ចបានទទួលបណ្តឹងថា នៅត្រង់ចំនុចតំបន់អណ្តូងខួច ខាងលើមានមនុស្សមួយក្រុមមានគ្នាចំនួនបាន៣នាក់បានធ្វើសកម្មភាពកំពុងតែលួចកាប់បំផ្លាញដើមម៉ៃសាក់អស់ទំហំលើក្បាលដី៦០ម៉ែត្រគុណ១៥០
ម៉ែត្រ ដែលក្រុមហ៊ុនបានចាប់ផ្តើមដាំដុះតាំងពីឆ្នាំ២០០២ រហូតមកដល់ឆ្នាំ២០១៨ ដែលមិនទាន់ដល់
ខ្នាតត្រូវកាប់នោះទេ ។
ក្រោយពីបានទទួលបណ្តឹងនេះភ្លាមនគរបាលស្រុកត្បូងឃ្មុំបានសហការជាមួយនឹងកម្លាំងនៅមូលដ្ឋានបានប្រញាប់ចុះទៅដល់ ក៏ឃើញមនុស្សមួយក្រុមមានគ្នាចំនួន០៣នាក់ កំពុងតែកាប់បំផ្លាញឈើម៉ៃសាក់ និងបានកាត់ជាកង់ៗប្រវែង១,៣០ម៉ែត្រ ចំនួន១៣០ដើម ។
ជនសង្ស័យឈ្មោះ ឆែម ឈិត បានឆ្លើយថា នៅថ្ងៃទី២២ ធ្នូ ២០១៨ ឈ្មោះហែល ភេទប្រុស អាយុ៤៦
ឆ្នាំ ជាថៅកែរបស់ខ្លួនបានប្រើឲ្យកាត់ផ្តួលដើមម៉ៃសាក់ត្រង់ចំនុចអណ្តូងខួច អស់ចំនួន៣០ដើម លើកទី៣នៅថ្ងៃទី២៣ ធ្នូ ខ្លួន និងបក្សពួកបានបន្តសកម្មភាពទៅកាប់ផ្តួល និងបានអង្កន់ជាកង់ៗមានខ្នាត
ប្រវែង១,៣០ម៉ែត្រ ដោយបានអារកាត់ផ្តួលបានចំនួន១១០ដើម ហើយនៅលើកទី៣ វេលាម៉ោង៧ព្រឹក
ថ្ងៃទី២៤ ធ្នូ បាននាំគ្នាទៅប្រមូលដាក់លើគោយន្តកែច្នៃរហូតដល់វេលាម៉ោង១រសៀល ស្រាប់តែបាន
ឃើញកម្លាំងសមត្ថកិច្ចជាច្រើននាក់ចេញមកចាប់ខ្លួនពួកគេទាំង៣នាក់តែម្តង ។
លោកវរសេនីយ៍ត្រី សេង មិ អធិការរងនគរបាលស្រុកត្បូងឃ្មុំបន្ថែមថា រហូតមកដល់ព្រឹកថ្ងៃទី២៥ ធ្នូ
២០១៨ ជនទាំង៣នាក់ត្រូវបានបញ្ជូនទៅកាន់តំណាង អយ្យការអមសាលាដំបូងខេត្តចាត់វិធានការ
ទៅតាមផ្លូវច្បាប់ ដោយចោទប្រកាន់បទលួច ៕
ចែករំលែកព័តមាននេះ