ADផ្ទាំងផ្សព្វផ្សាយពាណិជ្ជកម្ម

Picture

ការ​ផ្លាស់​ប្ដូរ​ពាណិជ្ជកម្ម​កម្ពុជា​ជាមួយ​ប្រទេស​នានា​សម្រេច​បាន​កំណើន​5%

5 ឆ្នាំ មុន
  • ភ្នំពេញ

រាជធានី​ភ្នំពេញ ៖ ទំហំ​នៃ​ការ​ផ្លាស់​ប្តូរ​ពាណិជ្ជកម្ម​កម្ពុជា ជាមួយ​បណ្តា​ប្រទេស​នានា​បាន​ថមថយ​ល្បឿន​នៅ​ឆ្នាំ​នេះ ធៀប​នឹង​ឆ្នាំ​មុន​ទោះបីជា​ទំហំ​ទឹកប្រាក់​កើនឡើង​ជិត​ដល់​២៥​ពាន់​លាន​ដុល្លារ​ក្តី តែ​កំណើន​សម្រេច​បាន​តែ​៥%​ប៉ុណ្ណោះ ។ នេះ​បើ​យោង​តាម​របាយការណ៍​ក្រសួងពាណិជ្ជកម្ម ។ របាយការណ៍​ដែល​បាន​ចែក​ជូន​បណ្ដា​អ្នក​សារព័ត៌​មាននៅ​ក្នុង​សន្និបាត​បូក​សរុប​ការងារ​របស់​ក្រសួង…

រាជធានី​ភ្នំពេញ ៖ ទំហំ​នៃ​ការ​ផ្លាស់​ប្តូរ​ពាណិជ្ជកម្ម​កម្ពុជា ជាមួយ​បណ្តា​ប្រទេស​នានា​បាន​ថមថយ​ល្បឿន​នៅ​ឆ្នាំ​នេះ ធៀប​នឹង​ឆ្នាំ​មុន​ទោះបីជា​ទំហំ​ទឹកប្រាក់​កើនឡើង​ជិត​ដល់​២៥​ពាន់​លាន​ដុល្លារ​ក្តី តែ​កំណើន​សម្រេច​បាន​តែ​៥%​ប៉ុណ្ណោះ ។ នេះ​បើ​យោង​តាម​របាយការណ៍​ក្រសួងពាណិជ្ជកម្ម ។

របាយការណ៍​ដែល​បាន​ចែក​ជូន​បណ្ដា​អ្នក​សារព័ត៌​មាននៅ​ក្នុង​សន្និបាត​បូក​សរុប​ការងារ​របស់​ក្រសួង នា​ព្រឹក​ថ្ងៃ​ទី​២៤ ធ្នូ ម្សិលមិញ បាន​បង្ហាញ​ថា តម្លៃ​ទំនិញ​នាំ​ចូល​និង​នាំ​ចេញ​របស់​កម្ពុជា​ក្នុង​ឆ្នាំ​២០១៨ សរុប​ជា​ទឹកប្រាក់​មាន​ចំនួន​២៤.៩៨៥​លាន​ដុល្លារ កើនឡើង​៥% បើ​ធៀប​រយៈពេល​ដូច​គ្នា​កាលពី​ឆ្នាំ​មុន ដែល​មាន​ទំហំ​ទឹកប្រាក់​ត្រឹម​២៣.៧៩៦​លាន​ដុល្លារ​អា​មេ​រិ​ក ។ របាយការណ៍​ដដែល​បាន​ឲ្យ​ដឹង​ថា ក្នុង​រយៈពេល​មួយ​ឆ្នាំ​ពេញ​២០១៨ តម្លៃ​ទំនិញ​នាំ​ចូល​សរុប​មាន​ចំនួន​ជាង​១៣.៧៧១​លាន​ដុល្លារ និង​តម្លៃ​នាំ​ចេញ​សរុប​ជាង​១១.២១៤​លាន​ដុល្លារ ។

រដ្ឋមន្ត្រីក្រសួង​ពាណិជ្ជកម្ម លោក ប៉ាន សូរ​ស័ក្តិ បាន​បញ្ជាក់​ប្រាប់​ដល់​ក្រុម​អ្នក​សារព័ត៌មាន​ក្រោយ​ពេល​បើក​សន្និត​បាត​របស់​ក្រសួង​ថា ទោះបី​ក្នុង​ឆ្នាំ​២០១៧ និង​២០១៨ កម្ពុជា​បាន​ទទួល​រង​នូវ​បច្ច័យ​មិន​អំណោយផល​នានា បណ្តាល​មក​ពី​កត្តា​ក្នុង និង​ក្រៅប្រទេស​យ៉ាងណា​ក៏​ដោយ តែ​ការ​នាំ​ចេញ​របស់​កម្ពុជា​មាន​កំណើន​ប្រមាណ​១០%​ក្នុង​ឆ្នាំ​២០១៨ ដែល​កំណើន​នេះ​ទទួល​បាន​ពី​ការ​បន្ត​កើនឡើង​នៃ​វិស័យ​កាត់ដេរ និង​ការ​នាំ​ចេញ​ផលិតផល​កសិកម្ម និង​ឧស្សាហកម្ម តាម​រយៈ​ការ​ខិតខំ​បើក​ច្រក​ទីផ្សារ​នាំ​ចេញ ទៅ​កាន់​ជាង​១៤០​ប្រទេស​នៅ​ទូ​ទាំង​ពិភពលោក ។

ជាមួយ​គ្នា​នេះ លោក​រដ្ឋមន្ត្រី​បាន​ស្នើ​បុគ្គលិក មន្ត្រី​ក្រោម​ឱវាទ​ទាំងអស់​យកចិត្តទុកដាក់​បន្ត​ទៀត លើ​ការ​អភិវឌ្ឍ​វិស័យ​ពាណិជ្ជកម្ម ខិតខំ​ពង្រឹងសមត្ថភាព និង​ប្រសិទ្ធភាព​ការងារ តាម​រយៈ​ការ​ធ្វើ​កំណែទម្រង់​នានា ដែល​ក្នុង​នោះ​រួម​មាន​រចនាសម្ព័ន្ធ​គ្រប់គ្រង ការ​អភិវឌ្ឍ​ស្ថាប័ន ការ​ពង្រឹង​ធនធានមនុស្ស និង​ការ​កែ​លម្អរ​សេវា​សាធារណៈ​ជាដើម ដោយ​ប្រើប្រាស់​ទាំងស្រុង​នូវ​ប្រព័ន្ធ​បច្ចេកវិទ្យា​ព័ត​មាន​វិទ្យាទំនើប ។
លោក​បណ្ឌិត ម៉ី កល្យាណ ទីប្រឹក្សា​ជាន់ខ្ពស់​ឧត្តម​ក្រុមប្រឹក្សា​សេដ្ឋកិច្ចជាតិ​បាន​ថ្លែង​ថា ៖« អ្វី​ដែល​សំខាន់​យើង​មើលឃើញ​ថា​កំណើន​នៃ​ការ​នាំ​ចេញ​របស់​យើង​បាន​ថយ​ចុះ បើ​ធៀប​ជាមួយ​ឆ្នាំ​មុន ប៉ុន្តែ​ការ​នាំ​ចូល​ក៏​មិន​កើន​ខ្ពស់​ដែរ គឺ​ហាក់​មាន​តុល្យភាព​នឹង​គ្នា ដែល​មិន​មាន​អ្វី​គួរ​ឲ្យ​បារម្ភ ប៉ុន្តែ​សំណួរ​នៅ​ត្រង់​ថា តើ​ធ្វើ​ម៉េច​ជំរុញ​ឲ្យ​ការ​នាំ​ចេញ​កើនឡើង​វិញ ? យើង​ត្រូវធ្វើ​អ្វី​ទៀត »​។

លោក​បណ្ឌិត​បន្ត​ថា ៖« រចនាសម្ព័ន្ធ​សេដ្ឋកិច្ច​របស់​យើង​បាន​កសាង​ជា​យូរ​មក​ហើយ ដូច​ជា វិស័យ​កាត់ដេរ ទេសចរណ៍ សំណង់ និង​កសិកម្ម​ជាដើម »​។ លោក​បណ្ឌិត​បន្ថែម​ថា ៖« ការ​ជំរុញ​ការ​នាំ​ចេញ​ឲ្យ​កើនឡើង​វា​ទាក់ទង​នឹង​កំណើន​ការ​វិនិយោគ​ពី​បរទេស​(FDI) ព្រោះ​បើ​នាំ​ចេញ​មិន​កើន តើ​យើង​បាន​ប្រាក់​ឯណា​ទិញ​របស់​គេ​ចូល »​។

លោក​បណ្ឌិត ម៉ី កល្យាណ បាន​បន្ត​ថា បញ្ហា​ប្រឈម​ក្នុង​សេដ្ឋកិច្ច​កម្ពុជា​ជា​រឿង​ដដែល​ៗ ដូច​ជា បញ្ហា​តម្លៃ​ការ​ដឹក​ជញ្ជូន ការិយាធិបតេយ្យ និង​អគ្គិសនី​ជាដើម ដែល​រាជរដ្ឋាភិបាល​បាន​និង​កំពុង​ដោះស្រាយ​ហើយ តែ​វា​ត្រូវការ​ពេលវេលា ។ លោក​បន្ត​ថា ៖« ហេតុនេះ​យើង​ត្រូវ​ពង្រឹងសមត្ថភាព​យុវជន​វ័យក្មេង ព្រោះ​ពួក​គេ​នេះ​ហើយ​ជួយ​សេដ្ឋកិច្ច​របស់​យើង ដែល​ពួក​គេ​មាន​សមត្ថភាព​ជំនាញ ចេះ​ភាសា​អង់គ្លេស មាន​ទេព​កោសល្យ​ខាង​ព័ត៌មានវិទ្យា និង​ជំនួញ​ជាដើម »៕

អត្ថបទសរសេរ ដោយ

កែសម្រួលដោយ