ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា រោងចក្រផលិតអង្ករមួយកន្លែងមានយីហោ «ហ្គោល ឌិនរ៉ាយ» ត្រូវបានអគ្គិភ័យលេបត្របាក់យ៉ាងសន្ធោសន្ធៅ ហើយអ្វីដែលកាន់តែធ្វើឱ្យរន្ធត់ទៅទៀតនោះ គឺកំពុងសង្ស័យថា មានមនុស្សស្លាប់និងរបួសទៀត…
ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា រោងចក្រផលិតអង្ករមួយកន្លែងមានយីហោ «ហ្គោល
ឌិនរ៉ាយ» ត្រូវបានអគ្គិភ័យលេបត្របាក់យ៉ាងសន្ធោសន្ធៅ ហើយអ្វីដែលកាន់តែធ្វើឱ្យរន្ធត់ទៅទៀតនោះ គឺកំពុងសង្ស័យថា មានមនុស្សស្លាប់និងរបួសទៀត បង្កការភ្ញាក់ផ្អើលកាលពីវេលាម៉ោងជាង៣រសៀលថ្ងៃទី១៩ ធ្នូ នេះ ស្ថិតត្រង់ចំណុចភូមិត្រពាំងក្រសាំង ឃុំក្សេមក្សាន្ត ស្រុកឧត្តុង្គ ខេត្តកំពង់ស្ពឺ ដោយឃើញមានរថយន្តចុះមកអន្តរាគមន៍បាញ់ពន្លត់ចំនួន៤គ្រឿងផងដែរ ។
សេចក្តីរាយការណ៍បន្តថា ទោះបីជាយ៉ាងណា គេនៅមិនទាន់ដឹងច្បាស់ពីអត្តសញ្ញាណអ្នករងគ្រោះទាំង
នោះ ទេ ក្នុងនោះសង្ស័យស្លាប់២ និងរងរបួស៤ តែមិនទាន់ដឹងស្រីឬប្រុសនៅឡើយ ។ ចំពោះមូលហេតុវិញ សមត្ថកិច្ចកំពុងសង្ស័យអាច បណ្តាលមកពីកម្មករឡើងផ្សាដំបូលហើយបែកផ្កាភ្លើងខ្ទាតចំកន្លែងណាមួយ ទើបបង្កជាភ្លើងឆាបឆេះបែបនេះ ។
ដោយឡែក ប្រភពពីកម្មករនៅកន្លែងកើតហេតុបានឱ្យដឹងថា ករណីនេះ មិនដឹងបណ្តាលមកពីអ្វីនោះទេ ព្រោះនៅសុខៗស្រាប់តែឮសំឡេងផ្ទុះចេញពីម៉ាស៊ីនសម្ងួតស្រូវ ។ បច្ចុប្បន្ន សមត្ថកិច្ចកំពុងចុះត្រួតពិនិត្យ និងស្វែករកអ្នករងគ្រោះនិងមូលហេតុពិតប្រាកដ ដោយភ្លើងបានថមថយអស់ទៅវិញផងដែរ ។
ព័ត៌មានលម្អឹតនឹងមានផ្សាយជូនបន្ត ។
ចែករំលែកព័តមាននេះ