រាជធានីភ្នំពេញ ៖ ផ្ទះប្រជាពលរដ្ឋ ១ខ្នង សង់ពីឈើលើថ្មក្រោមប្រក់ស័ង្កសី ទំហំ ៦ ម៉ែត្រ x ៩ ម៉ែត្រ ត្រូវអគ្គិសភ័យឆាបឆេះ កាលពីវេលាម៉ោង ២ និង ៣៥នាទី យប់រំលងអាធ្រាត្រឈានចូលថ្ងៃទី៣០ មិថុនា ២០១៣ ស្ថិតនៅក្នុងភូមិដើមច័ន សង្កាត់ច្បារអំពៅទី២ ខណ្ឌមានជ័យ ។
រាជធានីភ្នំពេញ ៖ ផ្ទះប្រជាពលរដ្ឋ ១ខ្នង សង់ពីឈើលើថ្មក្រោមប្រក់ស័ង្កសី ទំហំ ៦ ម៉ែត្រ x ៩ ម៉ែត្រ ត្រូវអគ្គិសភ័យឆាបឆេះ កាលពីវេលាម៉ោង ២ និង ៣៥នាទី យប់រំលងអាធ្រាត្រឈានចូលថ្ងៃទី៣០ មិថុនា ២០១៣ ស្ថិតនៅក្នុងភូមិដើមច័ន សង្កាត់ច្បារអំពៅទី២ ខណ្ឌមានជ័យ ។
តាមប្រភពពីកន្លែងកើតហេតុ បានឱ្យដឹងថា គេបានឃើញក្មេងស្ទាវមួយក្រុមមានគ្នាប្រមាណជា ៨នាក់ បានគប់ដបសាំងមានភ្លើងចូលក្នុងផ្ទះខាងលើ ទើបបណ្តាលឱ្យកើតមានការឆាបឆេះឡើងដូច្នេះ ។ ផ្ទះដែលត្រូវអគ្គិភ័យឆាបឆេះ គឺផ្ទះលេខ៧៧ នៅផ្លូវ៣៦៩ មានម្ចាស់២ (ផ្ទះ ១ខ្នង ខណ្ឌចែកជា២) ទី១ ឈ្មោះ សាន ភេទប្រុស អាយុជាង ៤០ឆ្នាំ ជនជាតិវៀតណាម ជាប្តី បានរងរបួសរលាកពេញខ្លួនធ្ងន់ធ្ងរ ត្រូវបញ្ជូនទៅសង្រ្គោះនៅមន្ទីរពេទ្យ ទី២ ឈ្មោះ ជា ថាច ភេទប្រុស អាយុ ៦២ឆ្នាំ ជាមន្រ្តីចូលនិវត្ត ។
គួរបញ្ជាក់ថា អគ្គិភ័យបានរលត់ទៅវិញនៅវេលាម៉ោង ២ និង ៥០នាទី ដោយមានការអន្តរាគមន៍ពីរថយន្តពន្លត់អគ្គិភ័យចំនួន ២គ្រឿង និងប្រជាពលរដ្ឋជួយនាំគ្នាយកបំពង់ពន្លត់អគ្គិភ័យបាញ់ពន្លត់អស់ជាច្រើនបំពង់ ៕
ចែករំលែកព័តមាននេះ