រាជធានីភ្នំពេញ ៖ ចាប់ពីថ្ងៃទី២៥ ដល់ថ្ងៃទី២៧ មិថុនា ២០១៣ នៅមជ្ឈមណ្ឌលកោះពេជ្រ មានរៀបចំតាំងពិព័រណ៍ផលិតផលប្រទេសកម្ពុជា និងប្រទេសថៃ ក្រោមកិច្ចសហការរវាងក្រសួងពាណិជ្ជកម្មនៃព្រះរាជាណាចក្រកម្ពុជា និងក្រសួងពាណិជ្ជកម្មនៃព្រះរាជាណាចក្រថៃ ។ ក្នុងកម្មវិធីពិព័រណ៍នោះ មានការចូលរួមទស្សនាពីប្រជាពលរដ្ឋច្រើនកុះករ និងមានការប្រគំតន្ត្រីក្រោមវត្តមាន
រាជធានីភ្នំពេញ ៖ ចាប់ពីថ្ងៃទី២៥ ដល់ថ្ងៃទី២៧ មិថុនា ២០១៣ នៅមជ្ឈមណ្ឌលកោះពេជ្រ មានរៀបចំតាំងពិព័រណ៍ផលិតផលប្រទេសកម្ពុជា និងប្រទេសថៃ ក្រោមកិច្ចសហការរវាងក្រសួងពាណិជ្ជកម្មនៃព្រះរាជាណាចក្រកម្ពុជា និងក្រសួងពាណិជ្ជកម្មនៃព្រះរាជាណាចក្រថៃ ។ ក្នុងកម្មវិធីពិព័រណ៍នោះ មានការចូលរួមទស្សនាពីប្រជាពលរដ្ឋច្រើនកុះករ និងមានការប្រគំតន្ត្រីក្រោមវត្តមានតារាល្បីៗ ព្រមជាមួយការបង្ហាញម៉ូដបង្ហាញពីគំនិតច្នៃប្រឌិតផលិត ផលិតផលរបស់កូនខ្មែរ ។
នៅរាត្រីថ្ងៃព្រហស្បត៍ ទី២៧ មិថុនា ២០១៣ មានតារាចម្រៀង តារាបង្ហាញម៉ូដជាច្រើនដួងចូលរួមសម្តែងរួមគ្នា ក្នុងកម្មវិធីនោះ ។ តាមការឱ្យដឹង ពិព័រណ៍ពាណិជ្ជកម្មលើកទី១នេះ ដើម្បីរឹតចំណងមិត្តភាពរវាងប្រទេសថៃ និងប្រទេសកម្ពុជា ។ ពិសេសបង្ហាញពីការលើកកម្ពស់ផលិតផលកម្ពុជា និងផលិតផលរបស់ប្រទេសថៃ ។ ពិសេសចង់លើកកម្ពស់ពីអ្វីដែលប្រទេសទាំង២មាន និងចង់បង្ហាញឱ្យអ្នកវិនិយោគទុននៅប្រទេសថៃកាន់តែចាប់អារម្មណ៍រកស៊ីនៅកម្ពុជាឱ្យបានច្រើនផ្នែកទៀត ដើម្បីលើកតម្កើងផ្នែកសេដ្ឋកិច្ច និងភាពរីកចម្រើនប្រកបដោយសុខសន្តិភាព ។
រយៈពេល៣ថ្ងៃនោះ ក្រៅពីដាក់តាំងបង្ហាញផលិតផលរបស់ប្រទេសទាំង២ ក៏មានការប្រគំតន្ត្រី ដោយមានតារាល្បីឈ្មោះត្រូវចិត្តយុវវ័យ និងការបង្ហាញម៉ូដរបស់ក្រុមកញ្ញា ឌួង ហ្សូរីដា ដល់ទៅ៣ក្រុម យ៉ាងគគ្រឹកគគ្រេង ។ សម្រាប់ថ្ងៃបញ្ចប់ អ្នករៀបចំកម្មវិធី តម្រូវឱ្យតារាបង្ហាញម៉ូដផ្តោតសំខាន់លើការច្នៃប្រឌិតពីរបៀបតុបតែងផ្កាលម្អលើរាងកាយគ្រប់សណ្ឋាន ដែលជាការតុបតែងផ្ទាល់របស់ម្ចាស់ហាងលក់ផ្កា «បុប្ផាគិរី» ដើម្បីលើកកម្ពស់ស្នាដៃកូនខ្មែរ ហើយមានការទះដៃស្វាគមន៍កងរំពងពីអ្នកទស្សនា ។
តារាចម្រៀងដែលចូលរួមក្នុងថ្ងៃទី៣ មានដូចជា កញ្ញា សុគន្ធ នីសា, ពៅ សុជាតា, ឈួន ស្រីម៉ៅ, វី ឌីណែត, រតនៈ ពិសិដ្ឋ, ឆាយ វីរយុទ្ធ, និងលោក ចាន់ វិបុល ជាដើម។ ចំពោះអ្នកបង្ហាញម៉ូដមាន កញ្ញា សូដា នីតា, សម ម៉ាណា, អុឹង និមល, ខេម៉ារីតា, អាលីហ្សា, កញ្ញា ទេពី និងកញ្ញា ស្រីម៉ៅ ជាដើម ។ កម្មវិធីនោះមានគម្រោងធ្វើនៅឆ្នាំក្រោយៗទៀត ដើម្បីផ្សារភ្ជាប់ការទាក់ទងរវាងប្រទេសទាំង២ កម្ពុជា-ថៃ លើផ្នែកពាណិជ្ជកម្ម ៕
ចែករំលែកព័តមាននេះ