ខេត្តរតនគិរី ៖ បងប្អូនជនជាតិដើមភាគតិច១ភូមិមានចំនួន១៤គ្រូសារបានស្ម័គ្រចិត្តប្រគល់កាំភ្លើងកែច្នៃបាញ់គ្រាប់កង់ចំនួន១៤ដើមប្រគល់ជូនសមត្ថកិច្ចប៉ូលិសស្រុកបរកែវ។
សមត្ថកិច្ចបានអោយដឹងថា កាំភ្លើងកែច្នៃចំនួន១៤ដើមត្រូវបានប្រជាពលរដ្ឋយកប្រគល់ជូនសមត្ថកិច្ចកាលពីវេលាម៉ោង២និង៣០នាទីរសៀលថ្ងៃទី១២ ខែធ្នូ ឆ្នាំ២០១៨ ក្នុងភូមិរ៉យ ឃុំកិះចុង ស្រុកបរកែវ។
សមត្ថកិច្ចបានបញ្ជាក់ទៀតថា ប្រជាពលរដ្ឋទាំង១៤គ្រូសារខាងលើបានធ្វើកិច្ចសន្យារួចរាល់ផងដែរ ហើយសមត្ថកិច្ចបានណែនាំឱ្យពលរដ្ឋបញ្ឈប់ការប្រើប្រាស់អាវុធកែច្នៃ និងអំពាវនាវដល់ប្រជាពលរដ្ឋទូទាំងស្រុកបរកែវអោយប្រគល់អាវុធកែច្នៃជូនសមត្ថកិច្ច បើមានប្រជាពលរដ្ឋណាលាក់ទុកអាវុធគ្រប់ប្រភេទខាងលើដោយខុសច្បាប់ជាបន្តទៅទៀតនឹងមានទោស ឬអាចជាប់ពន្ធនាគារទៀតផង។
កម្លាំងប៉ុស្តិ៍កក់សហកាជាមួយប្រជាការពារភូមិ, ប៉ូលិសប៉ុស្តិ៍និងស្រុកបានប្រមូលអាវុធកែច្នៃដែលប្រជាពលរដ្ឋបានប្រគល់អោយមានចំនួន១៤ដើម ក្នុងនោះអាវុធកែច្នៃប្រើរំសេវចំនួន១១ដើម និងអាវុធកែច្នៃ ប្រើស្នប់ខ្យល់ចំនួន៣ដើម។
បច្ចុប្បន្នសមត្ថកិច្ចបានប្រមូលអាវុធដែលដកហូតបានយកមករក្សាទុកនៅអធិការស្រុកបរកែវ៕
ចែករំលែកព័តមាននេះ