លោកមិនអាចលើកលែងឲ្យជាដាច់ខាតចំពោះបុគ្គលណាបំពានច្បាប់
- កំពត
ខេត្តកំពត ៖ នៅព្រឹកថ្ងៃទី១១ ធ្នូ ឆ្នាំ២០១៨ កម្លាំងក្រុមការងារចម្រុះដឹកនាំដោយលោក ជឹង ផល្លា អភិបាលរងខេត្តបានទទួលបទបញ្ជាផ្ទាល់ពីឯកឧត្តម ជាវ…
ខេត្តកំពត ៖ នៅព្រឹកថ្ងៃទី១១ ធ្នូ ឆ្នាំ២០១៨ កម្លាំងក្រុមការងារចម្រុះដឹកនាំដោយលោក ជឹង ផល្លា អភិបាលរងខេត្តបានទទួលបទបញ្ជាផ្ទាល់ពីឯកឧត្តម ជាវ…
ខេត្តកំពត ៖ នៅព្រឹកថ្ងៃទី១១ ធ្នូ ឆ្នាំ២០១៨ កម្លាំងក្រុមការងារចម្រុះដឹកនាំដោយលោក ជឹង ផល្លា អភិបាលរងខេត្តបានទទួលបទបញ្ជាផ្ទាល់ពីឯកឧត្តម ជាវ តាយ អភិបាលនៃគណៈអភិបាលខេត្តកំពត រួមនិងអាជ្ញាធរស្រុកដងទង់ដែលដឹកនាំដោយលោក ស៊ីវ ផេង អភិបាលស្រុក មន្ត្រីជំនាញ និងមន្ត្រីអាជ្ញាធរមូលដ្ឋានឃុំល្អាងបានចុះទៅដល់ទីតាំងជួរភ្នំដង្កូវត្រង់ចំណុចដីដែលលោកសះ វណ្ណា បានធ្វើសកម្មភាពកាប់ទន្ទ្រានដីរដ្ឋ និងឈូសឆាយធ្វើអាជីកម្មខុសច្បាប់ខាងលើ ក្រោយពីមានការផ្សាយតាមទំព័រសារពត៌មាន និងទូរទស្សន៍ក្នុងស្រុកមួយចំនួនបានផ្សាយនាពេលថ្មីៗកន្លងមកនេះ ។
ជាមួយគ្នានោះដែរ ឯកឧត្តម ជឹង ផល្លា អភិបាលរងខេត្ត និងកម្លាំងចម្រុះព្រមទាំងមន្ត្រីជំនាញខណ្ឌរដ្ឋបាលព្រៃឈើបានចុះទៅត្រួតពិនិត្យជាក់ស្តែង នៅទីតាំងដីខាងលើដែលលោក សះ វណ្ណា បានធ្វើសកម្មកន្លងមកដែលមានទីតាំងស្ថិតជួរភ្នំដង្កូវ ក្នុងទឹកដីភូមិសាស្ត្រពីរ គឺភូមិល្អាងនិងភូមិដំណាក់អំពិល ដែលជាដែនដីរដ្ឋបាលឃុំល្អាង ស្រុកដងទង់ ខេត្តកំពត ។
ក្នុងកិច្ចប្រតិបត្តិការណ៍អនុវត្តច្បាប់នាពេលនេះដែរឯកឧត្តម ជឹង ផល្លា អភិបាលរងខេត្ត និងជាប្រធានគណៈកម្មការដែលដឹកនាំកម្លាំងចម្រុះចុះមកទីតាំងខាងលើបានមានប្រសាសន៍នៅថ្ងៃទី១១ ធ្នូ ឆ្នាំ២០១៨នេះថា សកម្មភាពកាប់ទន្ទ្រានដីព្រៃភ្នំពីសំណាក់លោក សះ វណ្ណា នេះពិតជាមានផលប៉ះពាល់យ៉ាងធ្ងន់ធ្ងរយ៉ាងខ្លាំងនៅតំបន់នេះ ពិសេស គឺផលប៉ះពាល់ដល់គម្របព្រៃ និងភ្នំដែលជាសម្បត្តិធនធានរបស់រដ្ឋ លោកសះ វណ្ណា បានប្រព្រឹត្តបែបនេះ គឺជាបទល្មើសជាក់ស្តែងក្នុងនោះរួមមាន ការកាប់ទន្ទ្រានតំបន់គម្របព្រៃឈើរបស់រដ្ឋដោយគ្មានច្បាប់ និងកាន់កាប់ដីរដ្ឋដោយគ្មានច្បាប់អនុញ្ញាតពីអាជ្ញាមូលដ្ឋានគ្រប់លំដាប់ថ្នាក់ បន្ទាប់ពីកាប់ទន្ទ្រានដីព្រៃភ្នំនៅទីតាំងខាងលើនេះហើយ លោក សះ វណ្ណា បានប្រើប្រាស់គ្រឿងចក្រជីកកាយយកអាចម៍លក់ធ្វើអាជីវកម្មយ៉ាងអនាធិបតេយ្យ ។
ចំណែកលោក ជួន សារ៉ា នាយខណ្ឌរដ្ឋបាលព្រៃឈើខេត្តកំពតក៏បានលើកឡើងថា ការកាប់ទន្ទានព្រៃឈើវាទទីយកដីភ្នំពីសំណាក់លោក សះ វណ្ណា នាពេលនេះក្នុងនាមលោកមន្ត្រីជំនាញលោក នឹងមានវិធានការតាមផ្លូវច្បាប់ លោកមិនអាចលើកលែងអោយបានជាដាច់ខាត ពីព្រោះទំហ៊ំនៃការកាប់បំផ្លាញព្រៃជួរភ្នំដង្កូវនេះបានធ្វើអោយប៉ះពាល់យ៉ាងធ្ងន់ធ្ងរដល់ធនធានធម្មជាតិ រួមមានដីភ្នំ ព្រៃឈើជាដើម ។
ជាពិសេសគម្របព្រៃឈើជាសម្បត្តិរបស់រដ្ឋ ការកាប់ទន្ទ្រានរបស់លោកសះ វណ្ណា គឺជាទង្វើខុសច្បាប់ទាំងស្រុង ។ លោកជួន សារ៉ា បានបន្តថា លោកនឹងចាត់វិធានការអោយមានប្រសិទ្ធិភាពតាមផ្លូវច្បាប់ចំពោះបុគ្គលរូបនេះ ៕
ចែករំលែកព័តមាននេះ