ក្លិនជះស្អុយពីក្នុងផ្ទះសំណាក់ ទើបដឹងជនបរទេសស្លា.ប់
- កំពត
ខេត្តកំពត ៖ សេចក្តីរាយការណ៍បានឲ្យដឹងថា កាលពីវេលាម៉ោង៨ និង៥០នាទីព្រឹក ថ្ងៃទី១១ ធ្នូ មានការភ្ញាក់ផ្អើលមួយ នៅផ្ទះសំណាក់យីហោ កំពតផារ៉ាដាយ…
ខេត្តកំពត ៖ សេចក្តីរាយការណ៍បានឲ្យដឹងថា កាលពីវេលាម៉ោង៨ និង៥០នាទីព្រឹក ថ្ងៃទី១១ ធ្នូ មានការភ្ញាក់ផ្អើលមួយ នៅផ្ទះសំណាក់យីហោ កំពតផារ៉ាដាយ ដោយជនបរទេសម្នាក់ដេកស្លាប់ រហូតធុំក្លិនស្អុ យជះចេញពីក្នុងបន្ទប់ ទើបបានគេដឹង។ សាកសពឈ្មោះ Olden Didier ភេទប្រុស អាយុ៥៤ឆ្នាំ សញ្ជាតិ ហូរឡង់ លិខិតឆ្លងដែនលេខ NT20 5B2P5។
សេចក្តីរាយការណ៍បន្តថា សពស្លាប់នៅក្នុងបន្ទប់លេខ២ ផ្ទះសំណាក់ កំពតផារ៉ាដាយ ស្ថិតក្នុងនៅភូមិសុវណ្ណសាគរ សង្កាត់កំពង់កណ្តាល ក្រុងខេត្តកំពត មានស្ថានភាព ហើមស្អុយ។ តាមរយៈការធ្វើកោសល្យ វិច័យរបស់គ្រូពេទ្យ និងនគរបាលបច្ចេកទេសបានរកឃើញថា ជនរងគ្រោះស្លាប់ដោយសារជំងឺគាំងបេះដូង។
បានជាសមត្ថកិច្ចមានការសន្និដ្ឋានដូច្នេះ ដោយយោងទៅលើ រូបរាងកាយសាកសពមិនមានអ្វីគួរឲ្យកត់សម្គាល់នោះទេ និងផ្អែកតាមការបំភ្លឺជុំវិញសាក្សី ជាជនបរទេសដូចគ្នា បញ្ជាក់អំពីប្រវត្តិជនរងគ្រោះ ធ្លាប់មានជំងឺផ្លូវដង្ហើម (ជំងឺហឺត)។ សាកសពត្រូវបានសមត្ថកិច្ចនគរបាលខេត្តកំពត សហការជាមួយស្ថានទូតសាមីប្រទេស រៀបចំទុកដាក់រង់ចាំសាច់ញាតិ ដើម្បីធ្វើបុណ្យតាមប្រពៃណី៕
ចែករំលែកព័តមាននេះ