រាជធានីភ្នំពេញ ៖ ជនសង្ស័យ ១ក្រុម មានគ្នា ៦នាក់ ក្នុងនោះ ស្រី២ ប្រុស៤ បានជិះម៉ូតូធ្វើសកម្មភាពវាយប្លន់យកម៉ូតូឌ្រីមC110 ១គ្រឿង ពណ៌ខ្មៅ ពាក់ស្លាកលេខ ភ្នំពេញ 1BL-7491 បានសម្រេចពីបុរសម្នាក់ បណ្តាលឱ្យជនរងគ្រោះរបួសបែកខ្ទង់ច្រមុះ ដែលហេតុការណ៍នេះ បានកើតឡើងកាលពីវេលាម៉ោង ១១ និង ៥០នាទី យប់ថ្ងៃទី២៦ មិថុនា
រាជធានីភ្នំពេញ ៖ ជនសង្ស័យ ១ក្រុម មានគ្នា ៦នាក់ ក្នុងនោះ ស្រី២ ប្រុស៤ បានជិះម៉ូតូធ្វើសកម្មភាពវាយប្លន់យកម៉ូតូឌ្រីមC110 ១គ្រឿង ពណ៌ខ្មៅ ពាក់ស្លាកលេខ ភ្នំពេញ 1BL-7491 បានសម្រេចពីបុរសម្នាក់ បណ្តាលឱ្យជនរងគ្រោះរបួសបែកខ្ទង់ច្រមុះ ដែលហេតុការណ៍នេះ បានកើតឡើងកាលពីវេលាម៉ោង ១១ និង ៥០នាទី យប់ថ្ងៃទី២៦ មិថុនា តាមបណ្តោយផ្លូវលេខ៤៣០ ខាងក្រោយមន្ទីរពេទ្យមិត្តភាពខ្មែរ-សូវៀត ស្ថិតក្នុងសង្កាត់ទំនប់ទឹក ខណ្ឌចំការមន ។
ជនរងគ្រោះឈ្មោះ សុខ រ៉ាវី ភេទប្រុស អាយុ ២៣ឆ្នាំ ជានិស្សិតឆ្នាំទី៣ នៃសាកលវិទ្យាល័យភូមិន្ទភ្នំពេញ ស្នាក់នៅភូមិព្រៃផ្ទាល់ សង្កាត់ស្ទឹងមានជ័យ ខណ្ឌមានជ័យ ។ តាមជនរងគ្រោះបានឱ្យដឹងថា មុនពេលកើតហេតុ ខ្លួនបានដឹកស្រ្តីម្នាក់ដែលសុំមកជាមួយពីម្តុំអូឡាំពិក លុះមកដល់ចំណុចក្រោយមន្ទីរពេទ្យមិត្តភាពខ្មែរ-សូវៀត ក៏មានបក្ខពួកជនសង្ស័យចេញមកធ្វើសកម្មភាពវាយប្លន់យកម៉ូតូ រួចជិះម៉ូតូបើកគេចខ្លួនបាត់អស់ ។ បច្ចុប្បន្ន ជនរងគ្រោះកំពុងអង្គុយនៅប៉ុស្តិ៍នគរបាល ២៤ម៉ោង ដើម្បីរង់ចាំដាក់ពាក្យបណ្តឹង ៕
ចែករំលែកព័តមាននេះ