ប្រកាសតែងតាំងអភិបាលរងខេត្តតាកែវចំនួន២រូប
- តាកែវ
ខេត្តតាកែវ ៖ លោក ឡេង វី រដ្ឋលេខាធិការក្រសួងមហាផ្ទៃតំណាងដ៏ខ្ពង់ខ្ពស់សម្ដេចក្រឡាហោម ស ខេង នៅព្រឹកថ្ងៃទី៧ ខែធ្នូ…
ខេត្តតាកែវ ៖ លោក ឡេង វី រដ្ឋលេខាធិការក្រសួងមហាផ្ទៃតំណាងដ៏ខ្ពង់ខ្ពស់សម្ដេចក្រឡាហោម ស ខេង នៅព្រឹកថ្ងៃទី៧ ខែធ្នូ…
ខេត្តតាកែវ ៖ លោក ឡេង វី រដ្ឋលេខាធិការក្រសួងមហាផ្ទៃតំណាងដ៏ខ្ពង់ខ្ពស់សម្ដេចក្រឡាហោម ស ខេង នៅព្រឹកថ្ងៃទី៧ ខែធ្នូ ឆ្នាំ២០១៨ នេះបានអញ្ជើញចូលរួមជាអធិបតីក្នុងការប្រកាសតែងតាំងអភិបាលរងខេត្តតាកែវ២នាក់ ។
យោងតាមអនុក្រឹតរបស់រាជរដ្ឋាភិបាលកម្ពុជាដែលចុះហត្ថលេខាដោយសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចតែងតាំងលោក ម៉ឹង វុធី ពីនាយករដ្ឋបាលសាលាខេត្តតាកែវមកជាអភិបាលរងខេត្តតាកែវ និងលោក មូល វិចិត្រ ពីអភិបាលក្រុងដូនកែវមកជាអភិបាលរងខេត្តតាកែវ ។
នាឱកាសនោះលោក ឡេង វី បានធ្វើការផ្ដាំផ្ញើដល់លោកអភិបាលរងខេត្តតាកែវដែលទើបតែងតាំងថ្មីត្រូវចូលរួមគ្រប់គ្រងដឹកនាំធ្វើយ៉ាងណាអោយរាល់ភារកិច្ចដែលរាជរដ្ឋាភិបាលដាក់ចេញមកអនុវត្តន៏បានជោគជ័យ ជាពិសេសចូលរួមគ្រប់គ្រងអភិវឌ្ឍន៏ខេត្ត និងការបំរើសេវាសាធារណៈជូនប្រជាពលរដ្ឋកាន់តែល្អប្រសើរថែមទៀត ។
នៅក្នុងឱកាសនោះលោករដ្ឋលេខាធិការក្រសួងមហាផ្ទៃក៏បានធ្វើការជម្រុញអោយអភិបាលរងខេត្តដែលទើបតែងតាំងត្រូវធ្វើយ៉ាងណាសហការជាមួយអាជ្ញាធរពាក់ព័ន្ធគ្រប់លំដាប់ថ្នាក់ដើម្បីថែរក្សាការពារសន្តិសុខសណ្ដាប់ធ្នាប់សាធារណៈនៅតាមមូលដ្ឋានជូនបងប្អូនប្រជាពលរដ្ឋអោយបានល្អប្រសើរ ។
លោក ម៉ឹង វុធី អភិបាលរងខេត្តថ្មីបានធ្វើការផ្តាច់ញាចិត្តបន្តរួមសហការគ្នាជាមួយសមត្ថកិច្ច និងស្ថាប័នទាំងអស់ដើម្បីការពារសន្តិសុខសណ្តាប់ធ្នាប់ជូនដល់ប្រជាពលរដ្ឋក៏ដូចសង្គមជាតិពិសេសជួយដល់ប្រជាពលរដ្ឋដែលរងគ្រោះដោយធម្មជាតិអោយបានទាន់ពេលវេលា ៕
ចែករំលែកព័តមាននេះ