រាជធានីភ្នំពេញ៖ ម្ចាស់បទ វាចាស្រីឡង់សេ នាងយ៉ុង ចាន់កន្និកា បានចេញមកសម្ដែងការធុញទ្រាន់ទៅនឹងព័ត៌មានបន្តចុះផ្សាយពាក់ព័ន្ធទៅនឹងជីវិតឯកជន ខណៈពេលវិថីក្នុងសិល្បៈរបស់នាងហាក់មិនមានពន្លឺនឹងបន្តទៅមុខទៀតនោះ។
រាជធានីភ្នំពេញ៖ ម្ចាស់បទ វាចាស្រីឡង់សេ នាងយ៉ុង ចាន់កន្និកា បានចេញមកសម្ដែងការធុញទ្រាន់ទៅនឹងព័ត៌មានបន្តចុះផ្សាយពាក់ព័ន្ធទៅនឹងជីវិតឯកជន ខណៈពេលវិថីក្នុងសិល្បៈរបស់នាងហាក់មិនមានពន្លឺនឹងបន្តទៅមុខទៀតនោះ។
ការចេញមករអ៊ូរទាំចំពោះបញ្ហាខាងលើរបស់តារាចម្រៀងសំនៀងស្រទន់រូបនេះ គឺដើម្បីឆ្លើយតបទៅនឹងបណ្ដាញសារព័ត៌មាននៅក្នុងស្រុកមួយចំនួនដែលនៅតែបន្តចុះផ្សាយពាក់ព័ន្ធទៅនឹងជីវិតឯកជនរបស់នាង បើទោះបីជាពេលនេះនាងហាក់មិនចង់ងាកមករកអាជីពសិល្បៈជាថ្មីវិញនោះ។
នៅក្នុងដំណាក់កាលចុងក្រោយនេះជីវិតសិល្បៈរបស់តារាចម្រៀងមាឌតូចល្អិតសាច់សខ្ចី ដែលគេស្ទើរតែភ្លេចបាត់ទៅហើយ បន្ទាប់ពីនាងសម្ងំលាក់ខ្លួនមិនបង្ហាញមុខនៅក្នុងសិល្បៈបន្តទៀត ក្រោយពេលទទួលរងនូវព្យុះភ្លៀងព័ត៌មានពីការបែកបាក់ស្នេហាជាលើកដំបូងជាមួយបុរសវ័យក្មេងម្នាក់ដែលគេអះអាងថា ជាអណិកជនបារាំងនោះ។ គេនៅចាំបានថា ចំណងស្នេហ៍ដ៏ផ្អែមល្ហែមស្ទើរចាក់ទឹកមិនលិចរវាងនាងយ៉ុង ចាន់កន្និកា នឹងបុរសអណិកជនបារាំងនោះបានឈានមកដល់ផ្លូវបំបែកដោយមិននឹកស្មានដល់ បើទោះបីជាអ្នកទាំងបានសាងអនុស្សាវរីយ៍ស្ទើរតែរាប់មិនអស់ជាមួយគ្នាយ៉ាងណាក៏ដោយ៕
ចែករំលែកព័តមាននេះ