ហ៊ីយ៉ាន់ដាយ​​២​តោន​កន្លះ​​ចុះ​លើ​ស្ពាន​​គីហ្ស៊ូ​ណា​ហ្វ្រាំង​មិន​ស៊ី បុក​កាមរី​ឆ្លាម​​រួច​​ក្រឡាប់​​សង្កត់​លើ​


ខេត្តកំពង់ចាម ៖ បុរសពីរនាក់ប្តីប្រពន្ធ​ដែល​​ជិះលើរថយន្តកាមរីឆ្លាម១គ្រឿង ពិត​ជា​សំណាង​ក្នុង​មួយ​ពាន់​គ្រោះ​ថ្នាក់​ហើយ​ខណៈ​​​រថយន្តម៉ាកហ៊ីយ៉ានដាយ១គ្រឿង​ចំណុះ​២​តោន​កន្លះ បានសង្កត់លើ​ត្រូវតែផ្នែក​ខាង​ក្រោយ​នៃ​តួររថយន្ត។  ហេតុ​ការណ៍​នេះ​បាន​កើត​ឡើង​កាល​ពីវេលាម៉ោង​១និង២០នាទី​រសៀលថ្ងៃទី​៣ មករា ស្ថិតក្នុងភូមិទី៣ សង្កាត់​វាល​វង់ ក្រុង​កំពង់​ចាម ។
តាមសាក្សីអ្នករត់ម៉ូតូឌុបម្នាក់ឈ្មោះ​ជីម រ៉ា ភេទប្រុស អាយុ៤០ឆ្នាំ ប្រចាំការនៅ​ត្រង់​ក្បាល​ស្ពាន​គីហ្ស៊ូណា​ត្រើយ​ខាងលិច ប្រាប់ឲ្យដឹងថា គាត់បានឃើញ​រថយន្ត​ដឹកចំណីសត្វ១គ្រឿង​ម៉ាក​​ហីុយ៉ាន់​ដាយ​បើក​ក្នុង​ល្បឿន​លឿនចុះ​​ទៅ​​ពីលើស្ពានគីហ្សូ៊ណា ក្នុងទិសដៅពីកើត​លិច ។

បុរសអ្នករត់ម៉ូតូឌុប​ប្រាប់​បន្ត​ថា ស្របពេល​ដែលរថយន្តធំនេះបើក​ចុះ​ពី​លើស្ពាន​មាន​ម៉ូតូ​ស៊េរី២០១០ មួយគ្រឿង​​បើកកាត់ពីខាងមុខ​រថយន្ត​ស្ទើរតែនឹងបុកទៅ​ហើយ​ ខណៈ​នោះ​ស្រាប់តែ​រថយន្ត​ដាច់​ហ្វ្រាំង​​ក៏​ជ្រុល​​ទៅ​បុកគូទ​រថយន្ត​កាមរីឆ្លាមពេញទំហឹង​រួច​​ក្រឡាប់​សង្កត់លើ​កៀប​ជាប់ផ្នែក​ខាង​ក្រោយ​តែម្តង ។

ក្រោយ​​កើត​ហេតុ​គេឃើញបុរស​អ្នក​បើក​បររថយន្តកាមរីឆ្លាម និងប្រពន្ធបាន​បើក​ទ្វារ​ចេញ​មកក្រៅទាំងភិតភ័យ​ដោយព្រលឹងនៅ​ចុងសក់​។ នេះ​ពិត​ជា​សំណាង​​ខ្ពស់​ណាស់​ដែល​មិន​ប​ណ្តាល​ឱ្យ​​គ្រោះ​ថ្នាក់​​ដល់​អាយុ​ជីវិត​គ្រាន់​តែ​រង​របួស​បន្តិច​បន្តួច​ប៉ុណ្ណោះ៕           
                                    ចាន់ថេត

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ