រាជធានីភ្នំពេញ ៖ បុរសជាកសិករម្នាក់បានចង.កធ្វើអត្តឃាតដោយខ្សែគោភ្ជាប់នឹងដើមសណ្តាន់ខាងក្រោយភូមិបង្កឱ្យមានការភ្ញាក់ផ្អើលកាលពីវេលាម៉ោង៦ និង៣០នាទីល្ងាច ថ្ងៃទី២៤ មិថុនា ២០១៣ នៅភូមិរនះ សង្កាត់កោះដាច់ ខណ្ឌប្ញស្សីកែវ ។
ជនរងគ្រោះឈ្មោះវ៉ន ពៅ អាយុ៥០ឆ្នាំ មានទីលំនៅភូមិកើតហេតុខាងលើ។ តាមប្រភពបានឱ្យដឹងថា បុរសនេះមានជំងឺសរសៃប្រសាទយូរឆ្នាំមកហើយ ហើយធ្លាប់ចង.កធ្វើអត្តឃាតជាច្រើនដងហើយដែរ តែមិនស្លាប់ ដោយសារក្រុមគ្រួសារជួយសង្គ្រោះទាន់ពេល ។
នៅថ្ងៃកើតហេតុគាត់បានប្រាប់ប្រពន្ធរបស់គាត់ថាយកខ្សែគោទៅចងគោនៅខាងក្រោយភូមិក៏ទៅបាត់រហូតមិនឃើញត្រឡប់មកផ្ទះវិញ ស្ត្រីជាប្រពន្ធមានការសង្ស័យ ក៏នាំបងប្អូនដើររកស្រាប់តែប្រទះឃើញចង.កដោយខ្សែគោភ្ជាប់នឹងដើមសណ្តាន់ស្លាប់បាត់ទៅហើយ ហើយក៏នាំគ្នាស្រាយខ្សែយកសពទៅធ្វើបុណ្យតាមប្រពៃណី ៕
ចែករំលែកព័តមាននេះ