ខេត្តកំពង់ឆ្នាំ៖ លោកពេញ វិបុល ព្រះរាជអាជ្ញអមសាលាដំបូងខេត្ត កាលពីព្រឹកថ្ងៃទី២៤ មិថុនា ២០១៣ បានអញ្ជើញអ្នកកាសែត ទូរទស្សន៍ មន្ត្រីប៉ូលីសជំនាញ និងមន្ត្រីខណ្ឌរដ្ឋបាលព្រៃឈើ ជាច្រើនរូបឱ្យមកកាន់សាលាដំបូងខេត្តដើម្បីស្ដាប់ សេចក្ដីថ្លែងការណ៍របស់លោក ស្ដីអំពីចំណាត់ការលើឈើគ្រញូង ដែលត្រូវសមត្ថ
ខេត្តកំពង់ឆ្នាំ៖ លោកពេញ វិបុល ព្រះរាជអាជ្ញអមសាលាដំបូងខេត្ត កាលពីព្រឹកថ្ងៃទី២៤ មិថុនា ២០១៣ បានអញ្ជើញអ្នកកាសែត ទូរទស្សន៍ មន្ត្រីប៉ូលីសជំនាញ និងមន្ត្រីខណ្ឌរដ្ឋបាលព្រៃឈើ ជាច្រើនរូបឱ្យមកកាន់សាលាដំបូងខេត្តដើម្បីស្ដាប់ សេចក្ដីថ្លែងការណ៍របស់លោក ស្ដីអំពីចំណាត់ការលើឈើគ្រញូង ដែលត្រូវសមត្ថកិច្ចប៉ូលីសបង្ក្រាបបាន និងបញ្ជូនមកកាន់តុលាការ កាលពីពេលកន្លងមក។
សេចក្ដីថ្លែងការណ៍របស់លោកបន្ទាប់ពីមានពាក្យចចាមអារ៉ាមថា លោកបានដោះលែងឈើគ្រញូងមួយចំនួន និងរថយន្ត ព្រមទាំងជនសង្ស័យដឹកឈើផងដែរ។
នាឱកាសនោះលោកក៏បានបង្ហាញឈើគ្រញូងចំនួន៦ដុំ កំពុងរក្សាទុកនៅក្នុងតុលាការ និងរថយន្តមួយគ្រឿងដែលជាមធ្យោបាយក្នុងការដឹកជញ្ជូន កំពុងរក្សាទុកនៅស្នងការដ្ឋាននគរបាលខេត្ត។ លោកបានបកស្រាយនូវព័ត៌មានចចាមអារ៉ាមនោះថា លោកបានទទួលឈើគ្រញូងពីមន្ត្រីប៉ូលីសតែចំនួន៦ដុំប៉ុណ្ណោះមិនមែន៩ដុំ ដូចការលេចឮឡើយ ហើយដូចអស់លោកឃើញស្រាប់ឈើចំនួន៦ដុំ និងរថយន្តជាមធ្យោបាយដឹកជញ្ជូនកំពុងរក្សាទុកនៅឡើយ។ ដោយឡែកអ្នកបើកបរនិងព្រូម្នាក់ដែលបានឱ្យត្រឡប់ទៅវិញនោះ គឺធ្វើទៅតាមនីតិវិធីច្បាប់ ព្រមទាំងមានមេធាវីគេមកធានាទៀតផង ម្យ៉ាងទៀតយើងបានស្គាល់ម្ចាស់ឈើនោះរួចហើយ គឺឈ្មោះប៊ុន រដ្ឋា ភេទស្រី អាយុ៤៥ឆ្នាំ មានទីលំនៅរាជធានីភ្នំពេញ ដែលនិងត្រូវចូលខ្លួនមកបំភ្លឺនៅតុការនៅថ្ងៃទី២៥ មិថុនា ២០១៣ខាងមុខនេះ៕
ចែករំលែកព័តមាននេះ