បញ្ជូនខ្លួនជនសង្ស័យ០៧នាក់ ឡើងតុលាការក្នុងករណីគ្រឿងញៀ.ន
- កណ្តាល
ខេត្តកណ្តាល ៖ លោកវរសេនីយ៍ត្រី ម៉ន សំបុក អធិការរងផ្នែកគ្រឿងញៀនស្រុកកៀនស្វាយ បានឲ្យដឹងថា នៅថ្ងៃទី០២ ខែធ្នូ ឆ្នាំ២០១៨…
ខេត្តកណ្តាល ៖ លោកវរសេនីយ៍ត្រី ម៉ន សំបុក អធិការរងផ្នែកគ្រឿងញៀនស្រុកកៀនស្វាយ បានឲ្យដឹងថា នៅថ្ងៃទី០២ ខែធ្នូ ឆ្នាំ២០១៨ សមត្ថកិច្ចបានបញ្ចូនខ្លួនជនសង្ស័យចំនួន០៧នាក់ ឡើងទៅតុលាការចាត់ការតាមនីតិវិធីច្បាប់។ ដែលសមត្ថកិច្ចធ្វើការបង្ក្រាបបានថ្ងៃទី០១ ខែធ្នូ ឆ្នាំ២០១៨ វេលាម៉ោង១៤ និង០៥នាទី នៅចំណុចផ្ទះឈ្មោះ ស៊ន សុខលី (ហៅឈីត) ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្ថិតនៅភូមិឫស្សីស្រុក,ឃុំឈើទាល,ស្រុកកៀនស្វាយ,ខេត្តកណ្តាល។ ជនសង្ស័យដែលសមត្ថកិច្ចឃាត់ខ្លួនបានទាំងចំនួន០៧នាក់ក្នុងនោះមានស្រី០២នាក់។ ១.ឈ្មោះ ស៊ន.សុខលី ហៅឈីត ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ(ឃាត់ខ្លួន)។
២.ឈ្មោះ ស៊ន.សុប៉ាលី ហៅខុម ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឫស្សីស្រុក ឃុំឈើទាល ស្រុកកៀនស្វាយ(ឃាត់ខ្លួន)។ ៣.ឈ្មោះ ហៀង ឆាននី ហៅទិន ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិត នៅភូមិព្រែកថ្មី(ឃាត់ខ្លួន)។ ៤.ឈ្មោះ ម៉ៅ សុវណ្ណារ៉ា ហៅមែន ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ នៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ(ឃាត់ខ្លួន)។ ៥.ឈ្មោះ ចំរើន ចន្ទ័សុខលីន ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ នៅភូមិរបោះអង្កាញ់(ឃាត់ខ្លួន)។ ៦.ឈ្មោះ សម្បត្តិ ចេននី ភេទស្រី អាយុ១៨ឆ្នាំ ជនជាតិខ្មែរ មុខរបរមិនពិតប្រកដ នៅភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ(ឃាត់ខ្លួន)។
៧.ឈ្មោះ មាសកក្កដា ហៅណែត ភេទស្រី អាយុ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ(ឃាត់ខ្លួន)។ ចំពោះវត្ថុតាងចាប់យករួមមាន៖ ទី១-ដែកកេសហ្គាសចំនួន០៥ ទី២-កញ្ចប់បារីម៉ៃសេវេនចំនួន០១ប្រអប់ ទី៣-ទុយោជ័រសម្រាប់ជក់ថ្នាំញៀនមួយចំនួន ទី៤-ថង់សម្រាប់វេចខ្ចប់ថ្នាំញៀន ប្រើប្រាស់រួចមួយចំនួន។ សូមបញ្ជាក់នៅថ្ងៃខែឆ្នាំវេលាម៉ោងខាងលើ កម្លាំងនគរបាលប៉ុស្តិ៍ឈើទាលបានចេញល្បាតតាមភូមិសាស្ត្រក្នុងឃុំឈើទាលពេលមកដល់ត្រង់ចំណុចផ្ទះឈ្មោះ ស៊ន សុខលី ហៅឈីត ភេទប្រុស អាយុ២៥ឆ្នាំ ជនជាតិខ្មែរ នៅភូមឫស្សី ស្រុកឃុំឈើទាល ស្រុកកៀនស្វាយ ខេត្តកណ្តាល ដោយមានការសង្ស័យក៏ចូលទៅមើលក៏ឃើញ។
ជនសង្ស័យដែលមាន ឈ្មោះទាំង០៧នាក់ខាងលើ កំពុងតែនាំគ្នាប្រើប្រាស់គ្រឿងញៀន នៅលើផ្ទះឈ្មោះ ស៊ន សុខលី ហៅឈីត នៅសំយ៉ាបខាងមុខផ្ទះ។ បន្ទាប់មកកម្លាំងនគរបាលប៉ុស្តិ៍ឈើទាល ក៏ធ្វើការឃាត់ខ្លួន និងដកហូតវត្ថុតាងមួយចំនួនដូចខាងលើយកមកប៉ុស្តិ៍ដើម្បីសាកសួររួចក៏បញ្ជូនជនសង្ស័យទាំង៧នាក់ និងវត្ថុតាងមកកាន់អធិការដ្ឋាននគរបាលស្រុកកៀនស្វាយចាត់ការតាមនីតិវិធី៕
https://www.youtube.com/watch?v=vZnB-hVXscg
ចែករំលែកព័តមាននេះ