រាជធានីភ្នំពេញ ៖ មន្ត្រីនគរបាលការិយាល័យអន្តរាគមន៍នៃស្នងការដ្ឋានរាជធានីភ្នំពេញ មួយរូប បានត្រូវនគរបាលប៉ុស្តិ៍ទួលទំពូងទី១ ចាប់ឃាត់ខ្លួន កាលពីវេលាម៉ោង៩និង៣០នាទីយប់ថ្ងៃទី២០ មិថុនា នៅកែងផ្លូវលេខ១៥៥ និងផ្លូវលេខ៤៧៦ មុខភោជនីយដ្ឋានសុរិយាហ្គាឌិន ស្ថិតក្នុងសង្កាត់ទួលទំពូងទី១ ខណ្ឌចំការមន បន្ទាប់ពីមន្ត្រីនគរបាលរូបនេះបានផ្ទុះអាវុធដោយសារ
រាជធានីភ្នំពេញ ៖ មន្ត្រីនគរបាលការិយាល័យអន្តរាគមន៍នៃស្នងការដ្ឋានរាជធានីភ្នំពេញ មួយរូប បានត្រូវនគរបាលប៉ុស្តិ៍ទួលទំពូងទី១ ចាប់ឃាត់ខ្លួន កាលពីវេលាម៉ោង៩និង៣០នាទីយប់ថ្ងៃទី២០ មិថុនា នៅកែងផ្លូវលេខ១៥៥ និងផ្លូវលេខ៤៧៦ មុខភោជនីយដ្ឋានសុរិយាហ្គាឌិន ស្ថិតក្នុងសង្កាត់ទួលទំពូងទី១ ខណ្ឌចំការមន បន្ទាប់ពីមន្ត្រីនគរបាលរូបនេះបានផ្ទុះអាវុធដោយសាររឿងបត់ជើងតូចនៅកណ្តាលវាល ហើយត្រូវសន្តិសុខភោជនីយដ្ឋានស្តីបន្ទោស ។
មន្ត្រីនគរបាលខាងលើនេះឈ្មោះ ឡៃ ឃាង ភេទប្រុស អាយុ៣០ឆ្នាំ ក្រោយពីឃាត់ខ្លួនក៏បានបញ្ជូនទៅកាន់ស្នងការដ្ឋាននគរបាលរាជធានីភ្នំពេញភ្លាមៗ ។ តាមប្រភពព័ត៌មានជុំវិញការឃាត់ខ្លួននេះបានឲ្យដឹងថា លោក ឡៃ ឃាង និងមិត្តភក្តិបានចូលផឹកស៊ីក្នុងភោជនីយដ្ឋានសុរិយាហ្គាឌិន ។ លុះពេលស្រវឹងមិនចូលទៅក្នុងបន្ទប់ទឹកដើម្បីបត់ជើងតូចឡើយ បែរជាដើរមកបត់ជើងនៅមុខភោជនីយដ្ឋាន ។ ខណៈនោះសន្តិសុខក្នុងហាងក៏បានស្តីបន្ទោសពីរបីម៉ាត់ពីការមិនចូលទៅបត់ជើងក្នុងបន្ទប់ទឹក ។
ដោយសារតែការស្តីបន្ទោសនេះធ្វើឱ្យលោក ឡៃ ឃាង ខឹងច្រឡោត រួចដកអាវុធខ្លីពីចង្កេះបាញ់ឡើងលើពីរគ្រាប់ បណ្តាលឲ្យមានការភ្ញាក់ផ្អើលដល់នគរបាលប៉ុស្តិ៍ទួលទំពូងទី១ ចុះអន្តរាគមន៍ឃាត់ខ្លួនភា្លមៗ និងដកហូតបានអាវុធខ្លីស៊េរីទំនើបមួយដើមម៉ាក cosgar ។ នៅចំពោះមុខសមត្ថកិច្ចប៉ុស្តិ៍ លោកឡៃ ឃាង និយាយថា មូលហេតុដែលខ្លួនបាញ់គឺដោយសារខឹងនឹងសន្តិសុខហាងដែលប្រើពាក្យសម្តីឈ្លើយ ។ ចំណែកនគរបាលប៉ុស្តិ៍ទួលទំពូងទី១ និយាយថា គ្រាន់តែរឿងប៉ុណ្ណឹងសោះ ផ្ទុះអាវុធបង្កឱ្យមានការភ្ញាក់ផ្អើលដែរ ៕
ចែករំលែកព័តមាននេះ