រាជធានីភ្នំពេញ ៖ សេចក្តីរាយការណ៍បន្តឱ្យដឹងថា គិតមកទល់ម៉ោងជាង១០ព្រឹកថ្ងៃទី៣០ វិច្ឆិកា នេះ បុរសម្នាក់ដែលបានដកកាំភ្លើងបាញ់មេឃជិត១០គ្រាប់កាលពីយប់ កំពុងត្រូវបានមានការអន្តរាគមន៍យ៉ាងសស្រាក់សស្រាំ ពីសំណាក់មន្ត្រីជាន់ខ្ពស់នៅក្រសួងមហាផ្ទៃជាច្រើននាក់ ។…
រាជធានីភ្នំពេញ ៖ សេចក្តីរាយការណ៍បន្តឱ្យដឹងថា គិតមកទល់ម៉ោងជាង១០ព្រឹកថ្ងៃទី៣០ វិច្ឆិកា នេះ បុរសម្នាក់ដែលបានដកកាំភ្លើងបាញ់មេឃជិត១០គ្រាប់កាលពីយប់ កំពុងត្រូវបានមានការអន្តរាគមន៍យ៉ាងសស្រាក់សស្រាំ ពីសំណាក់មន្ត្រីជាន់ខ្ពស់នៅក្រសួងមហាផ្ទៃជាច្រើននាក់ ។
សេចក្តីរាយការណ៍បន្តថា ជនសង្ស័យខាងលើត្រូវបានស្គាល់ឈ្មោះប្រាក់ តូចវាសនា ភេទប្រុស អាយុ ៣៣ឆ្នាំ ជាអនុនាយកដ្ឋាននគរបាលព្រំដែនគោក មានឋានន្តរស័ក្តិថ្នាក់ឧត្តមសេនីយ៍ត្រី ស្នាក់នៅម្តុំផ្ទះកើតហេតុដែលបាន បង្កការភ្ញាក់ផ្អើល កាលពីវេលាម៉ោង១១ និង១០នាទីយប់ថ្ងៃទី២៩ វិច្ឆិកា ស្ថិតនៅមុខផ្ទះលេខ១១B ផ្លូវ៦៦៦ ភូមិតាងូវក្រោម សង្កាត់និរោធន៍ ខណ្ឌច្បារអំពៅ ខណៈគេអត់ដឹងថា គាត់ខឹងជាមួយអ្នកណានោះឡើយ ។
ទោះបីជាយ៉ាងណា ជនសង្ស័យខាងលើកំពុងស្ថិតនៅអធិការដ្ឋាននគរបាលខណ្ឌច្បារអំពៅសាកសួរនៅឡើយ ខណៈដែលមិនទាន់ដឹងថា តើជននេះនឹងអាចរួចពីសំណាញ់ច្បាប់ ឬអាចត្រូវទទួលទោស ដូចជនទូទៅដែលធ្វើខុស ឬយ៉ាងណានោះទេ ខណៈដែលមានការអន្តរាគមន៍ពីមន្ត្រីជាន់ខ្ពស់ច្រើននាក់បែបនេះ ។
ទាក់ទិនករណី ៖ «ដកកាំភ្លើងបាញ់មេឃជិត១០គ្រាប់»…កុំផ្អើលនិងកុំចង់ស្គាល់គាត់ចឹងឬ?
ចែករំលែកព័តមាននេះ