រាជធានីភ្នំពេញ ៖ ដោយសារតែអ្នកបើកបរងោកមួយភាំង ស្របពេលរថយន្តស្ថិតក្នុងល្បឿនលឿនផង ក៏រេចង្កូតទៅបុករនាំងដែកពុះចែកទ្រូងផ្លូវបណ្តាលឱ្យបាក់ខូចខាតអស់៥ផ្ទាំង តែពុំបណ្តាលឱ្យរងរបួសមនុស្សទេ គ្រាន់តែខូចខាតរថយន្ត ។ ហេតុការណ៍នេះបានកើតឡើងនៅវេលាម៉ោង៣និង៥០នាទីទៀបភ្លឺឈានចូលថ្ងៃទី២០ មិថុនា នៅមុខវិហារចិន ស្ថិតតាមបណ្តោយមហាវិថីសហ
រាជធានីភ្នំពេញ ៖ ដោយសារតែអ្នកបើកបរងោកមួយភាំង ស្របពេលរថយន្តស្ថិតក្នុងល្បឿនលឿនផង ក៏រេចង្កូតទៅបុករនាំងដែកពុះចែកទ្រូងផ្លូវបណ្តាលឱ្យបាក់ខូចខាតអស់៥ផ្ទាំង តែពុំបណ្តាលឱ្យរងរបួសមនុស្សទេ គ្រាន់តែខូចខាតរថយន្ត ។ ហេតុការណ៍នេះបានកើតឡើងនៅវេលាម៉ោង៣និង៥០នាទីទៀបភ្លឺឈានចូលថ្ងៃទី២០ មិថុនា នៅមុខវិហារចិន ស្ថិតតាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីមន្ត្រីប៉ូលិសចរាចរខណ្ឌសែនសុខបានឱ្យដឹងថា មុនពេលកើតហេតុ រថយន្តមា៉កនីស្សាន់ ពណ៌ទឹកប្រាក់ បើកបរដោយបុរស និងអ្នករួមដំណើរជាមួយស្ត្រីម្នាក់ដឹកសុទ្ធតែគ្រឿងក្រអូបបោះពួយយា៉ងលឿន តាមបណ្តោយមហាវិថីសហព័ន្ធរុស្ស៊ីពីលិចទៅកើត ។ ពេលមកដល់ចំណុចកើតហេតុទំនងជាអ្នកបើកបរងងុយដេកក៏រេចង្កូតទៅបុករនាំងដែកពុះចែកទ្រូងផ្លូវបណ្តាលឱ្យបាក់៥ផ្ទាំង ។ ក្រោយពេលកើតហេតុ រថយន្តបានព្យាយាមបើករត់ ប៉ុន្តែដោយសារដាច់កាឡេ ទើបទៅមុខលែងរួចត្រូវសមត្ថកិច្ចឃាត់ទាំងរថយន្ត និងអ្នកបើកបរទៅការិយាល័យនគរបាលចរាចរផ្លូវគោក ៕
ចែករំលែកព័តមាននេះ