ខេត្តកណ្តាល ៖ លោកអនុសេនីយ៍ត្រី ឡាយ ឡេង អាយុ៤៥ឆ្នាំ ជានាយរងប៉ុស្តិ៍នគរបាលការពារព្រំដែនគោលដៅក្អមសំណ ចំណុះឱ្យវរការពារព្រំដែន៦០៥ បានគាំងបេះដូងស្លាប់កាលពីវេលាម៉ោង៩ និង៣០នាទីព្រឹក ថ្ងៃទី២០ មិថុនា ខណៈពេលបញ្ជូនទៅសង្គ្រោះនៅមន្ទីរពេទ្យកាល់ម៉ែត្ររាជធានីភ្នំពេញ ។
ខេត្តកណ្តាល ៖ លោកអនុសេនីយ៍ត្រី ឡាយ ឡេង អាយុ៤៥ឆ្នាំ ជានាយរងប៉ុស្តិ៍នគរបាលការពារព្រំដែនគោលដៅក្អមសំណ ចំណុះឱ្យវរការពារព្រំដែន៦០៥ បានគាំងបេះដូងស្លាប់កាលពីវេលាម៉ោង៩ និង៣០នាទីព្រឹក ថ្ងៃទី២០ មិថុនា ខណៈពេលបញ្ជូនទៅសង្គ្រោះនៅមន្ទីរពេទ្យកាល់ម៉ែត្ររាជធានីភ្នំពេញ ។
លោកអនុសេនីយ៍ត្រី ឡាយ ឡេង កាលពីពេលថ្មីៗនេះត្រូវបានចាត់តាំងឱ្យមកប្រចាំការត្រៀមនៅស្នងការដ្ឋាននគរបាលខេត្ត មុនពេលមានគ្រោះថ្នាក់នេះ ។ ប្រភពព័ត៌មានពីមន្ត្រីនគរបាលដែលជាមិត្តភក្តិរួមការងារបានឱ្យដឹងថា លោក ឡាយ ឡេង មានជំងឺលើសឈាម និងខ្សោយបេះដូង ដែលជាជំងឺប្រចាំកាយ ហើយនៅព្រឹកថ្ងៃទី២០ មិថុនា លោក ឡាយ ឡេង និងមិត្តភក្តិរួមការងារបាននាំគ្នាលេងបាល់ទះបានចំនួន៣សិត ។ ក្រោយមកទៀតលោកមានអាការវិលមុខ និងសន្លប់បាត់ស្មារតី ។
ខណៈពេលនោះមិត្តភក្តិរួមការងារបាននាំគ្នាធ្វើចលនាបេះដូង និងច្របាច់ឱ្យលោក ក៏នៅតែមិនដឹងខ្លួន ទើបធ្វើឱ្យមានការផ្អើលឆោឡោ ហើយនាំគ្នាបញ្ជូនលោក ឡាយ ឡេង ទៅកាន់គ្លីនិកឯកជនមួយនៅក្រុងតាខ្មៅ តាមរយៈរថយន្តសង្គ្រោះរបស់ស្នងការដ្ឋាននគរបាលខេត្ត ។ ប្រភពដដែលបានឱ្យដឹងថា នៅពេលដឹកទៅដល់គ្លីនិកក្រុងតាខ្មៅ គ្រូពេទ្យនៅទីនោះមិនហ៊ានទទួលព្យាបាល ហើយក៏បានដឹកបន្តទៅសង្គ្រោះនៅមន្ទីរពេទ្យកាល់ម៉ែត រាជធានីភ្នំពេញ ។ ខណៈពេលទៅដល់ គ្រូពេទ្យចេញមកពិនិត្យមើលបានប្រាប់ថា ជនរងគ្រោះបានស្លាប់ទៅហើយ ។
សពត្រូវបានដឹកត្រឡប់មកកាន់ស្នងការដ្ឋាននគរបាលខេត្តកណ្តាលវិញ ។ នៅព្រឹកថ្ងៃដដែល សពលោក ឡាយ ឡេង ត្រូវបានដឹកបន្តតាមរថយន្តសង្គ្រោះរបស់ស្នងការដ្ឋាននគរបាលខេត្តទៅផ្ទះរបស់លោកនៅឃុំសំពៅពូន ស្រុកកោះធំ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ