ក្រុមហ៊ុន Panasonic និងមជ្ឈមណ្ឌលបេតិកភណ្ឌពិភពលោកនៃអង្គការ UNESCO បានប្រកាសបន្តភាពជាដៃគូយុទ្ធសាស្ត្រដែលនឹងបន្ត២ឆ្នាំទៀតចាប់ពីខែមិថុនា ២០១៣ ដល់ខែឧសភា ២០១៥ ដើម្បីបន្តការខិតខំពង្រឹងការប្តេជ្ញាចិត្តរបស់ភាគីទាំង២ក្នុងការងារអប់រំបរិស្ថាន និងវប្បធម៌សម្រាប់អ្នកជំនាន់ក្រោយ លើកកម្ពស់សកម្មភាពទំនាក់ទំនង និងប្រើប្រាស់បច្ចេកវិទ្យារបស់
ក្រុមហ៊ុន Panasonic និងមជ្ឈមណ្ឌលបេតិកភណ្ឌពិភពលោកនៃអង្គការ UNESCO បានប្រកាសបន្តភាពជាដៃគូយុទ្ធសាស្ត្រដែលនឹងបន្ត២ឆ្នាំទៀតចាប់ពីខែមិថុនា ២០១៣ ដល់ខែឧសភា ២០១៥ ដើម្បីបន្តការខិតខំពង្រឹងការប្តេជ្ញាចិត្តរបស់ភាគីទាំង២ក្នុងការងារអប់រំបរិស្ថាន និងវប្បធម៌សម្រាប់អ្នកជំនាន់ក្រោយ លើកកម្ពស់សកម្មភាពទំនាក់ទំនង និងប្រើប្រាស់បច្ចេកវិទ្យារបស់ Panasonic ដើម្បីចូលរួមចំណែកក្នុងសង្គម ។
កិច្ចព្រមព្រៀងនេះ គឺធ្វើឡើងនៅវិមានសន្តិភាពនាថ្ងៃទី១៨ មិថុនា ២០១៣ ក្រោមអធិបតីភាពដ៏ខ្ពង់ខ្ពស់ពីលោកឧបនាយករដ្ឋមន្ត្រី បណ្ឌិតសភាចារ្យ សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីដែលមានការចុះហត្ថលេខារវាងលោកស្រី Irina Bokova អគ្គនាយក UNESCO និងលោក Takumi Kajisha អ្នកគ្រប់គ្រងប្រតិបត្តិជាន់ខ្ពស់ទទួលបន្ទុកផ្នែកទំនាក់ទំនងរបស់ក្រុមហ៊ុន Panasonic ។
លោកស្រី Irina Bokova បានមានប្រសាសន៍ថា ការពង្រឹងភាពជាដៃគូរបស់យើងឱ្យកាន់តែស៊ីជម្រៅថែមទៀតនេះ គឺជាព្រឹត្តិការណ៍ដ៏សំខាន់នៅក្នុងទំនាក់ទំនងដ៏យូរអង្វែងដែលអង្គការយើងទាំង២បានអាស្រ័យផលចាប់តាំងពីឆ្នាំ១៩៩៥ ។
លោកស្រីបន្ថែមថា ជាង២ឆ្នាំកន្លងទៅនេះភាពជាដៃគូនេះបានក្លាយជាគំរូមួយដ៏ជោគជ័យបំផុតនៃសហប្រតិបត្តិការរបស់អង្គការ UNESCO ជាមួយផ្នែកឯកជន ។ ដោយធ្វើការរួមគ្នា យើងបានផ្តោតលើការលើកកម្ពស់ការយល់ដឹងអំពីសារសំខាន់នៃការថែរក្សាបេតិកភណ្ឌវប្បធម៌ និងធម្មជាតិឱ្យបានគង់វង្សតាមរយៈកម្មវិធីសាកលស្តីពីការអប់រំយុវជនអំពីបរិស្ថាន និងតាមរយៈយុទ្ធនាការសារគមនាគមន៍សាកល ៕
ចែករំលែកព័តមាននេះ