ADផ្ទាំងផ្សព្វផ្សាយពាណិជ្ជកម្ម

អ្នកនាង ឆៃលី ដាឡែន កំពុងជួបទុក្ខធំរឿងឪពុកទៅគ្មានថ្ងៃត្រឡប់

6 ឆ្នាំ មុន

ភ្នំពេញ
២៨ ខែ វិច្ឆិកា ឆ្នាំ ២០១៨ ម៉ោង ០៩:២២

រាជធានីភ្នំពេញ ៖ មានការភ្ញាកផ្អើលដោយសារតែតារាចម្រៀងយេរ យេរ អ្នកនាង ឆៃលី ដាឡែន កំពុងតែជួបនូវរឿងសោកសង្រែកជាពន់ពេកនាពេលនេះ ព្រោះអ្នកនាងស្រាប់តែបាត់បង់លោកឪពុកធ្លាប់មើលថែតាំងពីតូចរហូតមកទល់កូនចៅមានគ្រួសារ។ រូបភាពទាំងនេះមិនដឹងថា…

នៅលើបណ្តាយសង្គមហ្វេសប៊ុករបស់ ឆៃលី ដាឡែន បានសរសេរថា «ប៉ា ខ្ញុំតែងតែមានប៉ាជាកម្លាំងចិត្តរបស់កូន ហេតុអីប៉ាទៅចោលកូនអញ្ចឹង ប៉ាហេតុអីប៉ាទៅចោលម៉ាក់អញ្ចឹង ប៉ាតស៊ូជាមួយម៉ាក់ដើម្បីកូនៗយូរមកហើយ ហេតុអីប៉ាមិនព្រមនៅជាមួយម៉ាក់ ដើម្បីឱ្យកូនបានមើលថែវិញ ពេលនេះប៉ាទៅចោលកូនហើយ ប៉ាទៅដោយមិនត្រឡប់មកវិញទេ សុំឱ្យវិញ្ញាណក្ខន្ធប៉ាទៅកាន់សុគតិភព»។

ប្រភពពីអ្នកនាង ឆៃលី ដាឡែន បានឲ្យដឹងថា ឪពុកនាងសុខៗគាំងបេះដូងស្លាប់ភ្លាមៗក្នុងវ័យ៦៨ឆ្នាំនៅខេត្តបាត់ដំបង។ នាងបានជិះឡានទៅទាំងយប់ ទើបមកដល់ផ្ទះព្រឹកថ្ងៃទី២ វិច្ឆិកា ២០១៨៨នេះ ទាំងអារម្មណ៍មិននៅក្នុងខ្លួនទេ។ សពលោកឪពុកនឹងបូជានៅថ្ងៃទី៣០ វិច្ឆិកានេះ ហើយនាងពិតជាសោកស្តាយបំផុតដែលត្រូវជួបហេតុការណ៍មិនដែលធ្លាប់គិត។

ដំណឹងនេះបានធ្វើឲ្យសិល្បករមិត្តភក្តិដែលរាប់អានដាឡែន មានការសោកស្តាយ ហើយចូលរួមរំលែកទុក្ខដ៏ក្រៀមក្រំនេះ នឹងសុំឲ្យដាឡែនប្រឹងពង្រឹងស្មារតីឱ្យរឹងមាំតទៅទៀត។ ឪពុកដាឡែន ជាអ្នកបាត់ដំបង ហើយក៏ជាតន្ត្រីករនៅខេត្តនោះ ដែលដាឡែនធ្លាប់ដើរច្រៀងជាមួយលោកឪពុកតាំងពីមិនទាន់ល្បីឈ្មោះ។ នេះជាកម្មលោកកីយ៍ មានតែខំសាងតែល្អបំពេញចិត្តបុណ្យទុកជាកុសលមានរូបមានទុក្ខច្បាប់ធម្មជាតិ។