រាជធានីភ្នំពេញ ៖ កាលពីថ្ងៃទី១៧ មិថុនា ២០១៣ ផលិតកម្មរៃមាសតោមាស ដែលជាផលិតកម្មនៅក្រៅស្រុក បានរៀបចំកម្មវិធីថតខារ៉ាអូខេក្នុងលក្ខណៈធំមួយក្រោមការចូលរួមពីតារាល្បីៗជាច្រើនដួង នៅបរិវេណក្លឹបកម្សាន្តថោនខាងត្បូងសួនក្តាន់ពីរនៃរាជធានីភ្នំពេញ ។
រាជធានីភ្នំពេញ ៖ កាលពីថ្ងៃទី១៧ មិថុនា ២០១៣ ផលិតកម្មរៃមាសតោមាស ដែលជាផលិតកម្មនៅក្រៅស្រុក បានរៀបចំកម្មវិធីថតខារ៉ាអូខេក្នុងលក្ខណៈធំមួយក្រោមការចូលរួមពីតារាល្បីៗជាច្រើនដួង នៅបរិវេណក្លឹបកម្សាន្តថោនខាងត្បូងសួនក្តាន់ពីរនៃរាជធានីភ្នំពេញ ។
តាមការកត់សម្គាល់ ផលិតកម្មក្រៅប្រទេសកាលពីប៉ុន្មានឆ្នាំមុនរីកព្រោងព្រាត ប៉ុន្តែខ្លះបានដំណើរការត្រឹមតែមួយរយៈប៉ុណ្ណោះ ក៏បាត់ឈ្មោះទៅវិញ ។ បច្ចុប្បន្ននៅមានផលិតកម្មក្រៅស្រុកតិចតួចប្រឹងបន្តសកម្មភាពដូចជាផលិតកម្មរៃមាសតោមាស និងបុប្ផាជាដើម ដោយយូរៗគេឃើញមានកម្មវិធីម្តងទៅតាមរដូវកាលបុណ្យទានធំៗនៅកម្ពុជា ។ ជាក់ស្តែង កាលពីថ្ងៃទី១៧ មិថុនា ២០១៣នោះ ផលិតកម្មរៃមាសតោមាស ប្រមូលតារាទៅជួបជុំគ្នាដើម្បីថតបទថ្មី ។
តាមការឱ្យដឹងពីក្រុមការងារប្រចាំផលិតកម្មរៃមាសតោមាសថា កម្មវិធីថត MTV ប្រចាំរៃមាសលើកនេះមានរៀបចំបទចម្រៀងសម័យលោក ស៊ីន ស៊ីសាមុត និងអ្នកស្រី រស់ សេរីសុទ្ធា ចម្រុះទាំងបទញាក់ និងបទមនោសញ្ចេតនា ដោយសម្រិតសម្រាំងបទល្បីៗចំនួនជាង៦០បទ ចំណែកតារាចូលរួមសម្តែងជិត១០០នាក់ ។ ពួកគេសម្តែងបទចម្រៀង និងបង្ហាញរូបសម្រស់ និងម៉ូដសម្លៀកបំពាក់ដល់មហាជន ពិសេសចែកជូនដល់ខ្មែរយើងនៅក្រៅស្រុកបានទស្សនា ។
តារាដែលមានមុខក្នុងកម្មវិធីនោះមាន លោកសួស សងវាចា, លោកជិន វឌ្ឍនា, លោកយ៉ែម សំអូន និងភរិយា, លោកជិន ស៊ីណារ៉ាក់, លោកប៉ែន ចំរុង, លោកញ៉ែម សុគន្ធ, លោកអេឡិច ចិន្ត្រា, លោកស៊ិន សំនៀង, លោកលឹម រដ្ឋា, លោកយូ ឌីស្កូ, កញ្ញានី មុនីនាថ, កញ្ញាសារ៉ាយ សក្ខណា, នាងមាស សុខសោភា, អ្នកនាងសួន ចន្ថា, អ្នកនាងអូ រស្មី, អ្នកនាងឈួន សុវណ្ណឆៃ, ឈួន ស្រីម៉ៅ, កញ្ញាសូ ដានីតា, អុឹង និមល, គឹម លីហ្សា, កញ្ញា ឌួង ហ្សូរីមា, សុវណ្ណ លីនដា, ទៀង មុំសុធាវី, ឆៃ លីដាឡែន, កញ្ញា ទឹម រដ្ឋា, កញ្ញា ទឹម វត្តី, កញ្ញា ពៅ លីដា, ពៅ មករា, មៀច ស្រីខួច, ផាន់ ស្រីរ័ត្ន, ឡោម លក្ខិណា និងកញ្ញា សុវណ្ណ លីនដា ជាដើម ។
គោលបំណងនៃការផលិតនេះគឺ ដើម្បីបម្រើការកម្សាន្តដល់ទស្សនិកជនទាំងក្នុង និងក្រៅស្រុក ពិសេសបងប្អូនខ្មែរដែលឃ្លាតពីស្រុក បានច្រៀងកម្សាន្តពេលសម្រាកពីការងារ និងអាចបានឃើញតារាល្បីៗ និងតារាទើបតែលេចធ្លោនាពេលបច្ចុប្បន្ននេះថា តើពីមួយជំនាន់ទៅមួយជំនាន់មានភាពប្រែប្រួលបែបណាខ្លះ ។ផលិតកម្មរៃមាសតោមាសនឹងផលិតខារ៉ាអូខេបន្តទៀត មិនឱ្យទស្សនិកជនក្នុង និងក្រៅស្រុកខកចិត្តឡើយ ធ្វើយ៉ាងណាថែរក្សាសិល្បៈខ្មែរយើងឱ្យបានល្អ និងខិតខំរកចំណុចថ្មីៗទៀតជូនអ្នកគាំទ្របានកម្សាន្តសប្បាយ ៕
ចែករំលែកព័តមាននេះ