រាជធានីភ្នំពេញ ៖ នៅទីស្នាក់ការកណ្ដាលកាកបាទក្រហមកម្ពុជាកាលពីថ្ងៃទី១៨ មិថុនា បានរៀបចំពិធីនិមន្តព្រះសង្ឃសូត្រមន្តរាប់បាត្រចំរើនព្រះជន្មសម្ដេចព្រះមហាក្សត្រីនរោត្តមមុនិនាថ សីហនុ ព្រះវររាជមាតាជាតិខ្មែរដែលមានព្រះជន្មគម្រប់៧៧យាងចូល៧៨ព្រះវស្សា ។
រាជធានីភ្នំពេញ ៖ នៅទីស្នាក់ការកណ្ដាលកាកបាទក្រហមកម្ពុជាកាលពីថ្ងៃទី១៨ មិថុនា បានរៀបចំពិធីនិមន្តព្រះសង្ឃសូត្រមន្តរាប់បាត្រចំរើនព្រះជន្មសម្ដេចព្រះមហាក្សត្រីនរោត្តមមុនិនាថ សីហនុ ព្រះវររាជមាតាជាតិខ្មែរដែលមានព្រះជន្មគម្រប់៧៧យាងចូល៧៨ព្រះវស្សា ។
ពិធីនេះបានប្រព្រឹត្តធ្វើឡើងក្រោមអធិបតីភាពសម្ដេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងមានការចូលរួមដោយសមាជិកសមាជិកាកាកបាទក្រហមជាច្រើនរូបទៀត ។ ពិធីសូត្រមន្តរាប់បាត្រនេះក៏មានប្រគេនទេយ្យវត្ថុដល់វត្ត និងព្រះសង្ឃចំនួន៧៨អង្គដែលនិមន្តមកពីតាមបណ្ដាវត្តនានាចំនួន៧វត្តដែលក្នុងមួយវត្តៗទទួលបានអង្ករចំនួន១០០គីឡូក្រាម មីយើង៥កេសតូច ត្រីខ២កេស ស្ករស២០គីឡូក្រាម ទឹកដោះគោខាប់១កេស អូវ៉ាន់ទីន១កេស ទឹកក្រូច៥កេស ទឹកបរិសុទ្ធឱរ៉ាល់៥កេស ផ្លែឈើ១កន្ត្រក ផ្កាស្រស់១កន្ត្រក និងថវិកាមួយលានរៀល ។
ចំពោះព្រះសង្ឃ៧៨អង្គក្នុងមួយអង្គប្រគេនចង្ហាន់មួយស្រាក់ បង្អែមមួយកាតូ សាដកមួយ មីយើង១កេស និងបច្ច័យ៥ម៉ឺនរៀល ។ ដោយឡែកមន្ត្រីសង្ឃ៧អង្គ ក្នុងមួយអង្គប្រគេនបច្ច័យ២០ម៉ឺនរៀល ៕
ចែករំលែកព័តមាននេះ