ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើងទាំងកណ្តាលថ្ងៃត្រង់ដោយសារតែម៉ូតួសង់កូរ៉េ១គ្រឿងបានឆាបឆេះសន្ធោសន្ធៅនៅមុខធនាគារអម្រឹតស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ខណៈដែលម្ចាស់ម៉ូតូព្យាយាមធាក់ម៉ូតូបញ្ឆេះ ។ ហេតុការណ៍នេះបានកើតឡើងនៅវេលាម៉ោង១២និង១៥នាទីថ្ងៃត្រង់ថ្ងៃទី១៧ មិថុនា ។ ទោះជាយ៉ាងណាមិនមានអ្នកណាម្នាក់
ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើងទាំងកណ្តាលថ្ងៃត្រង់ដោយសារតែម៉ូតួសង់កូរ៉េ១គ្រឿងបានឆាបឆេះសន្ធោសន្ធៅនៅមុខធនាគារអម្រឹតស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ខណៈដែលម្ចាស់ម៉ូតូព្យាយាមធាក់ម៉ូតូបញ្ឆេះ ។ ហេតុការណ៍នេះបានកើតឡើងនៅវេលាម៉ោង១២និង១៥នាទីថ្ងៃត្រង់ថ្ងៃទី១៧ មិថុនា ។ ទោះជាយ៉ាងណាមិនមានអ្នកណាម្នាក់របួសក្នុងហេតុការណ៍នោះទេ ។
មន្រ្តីនគរបាលចរាចរក្រុងកំពង់ឆ្នាំង ដែលបានឃើញ និងទៅជួយអន្តរាគមន៍ក្នុងហេតុការណ៍នេះបានឱ្យដឹងថា មុនពេលកើតហេតុ ម្ចាស់ម៉ូតូបានជិះម៉ូតូឡើងមកពីស្រែប្រាំង ។ លុះ ជិះមកដល់កន្លែងកើតហេតុ នៅជ្រុងសួនច្បារមុខធនាគារអម្រឹត ម៉ូតូក៏រលត់ បន្ទាប់មកគាត់ក៏ព្យាយាមធាក់ម៉ូតូបញ្ឆេះ រំពេចនោះក៏ស្រាប់តែឃើញម៉ូតូនោះឆាបឆេះសន្ធោសន្ធៅឡើង គឺឆេះនៅផ្នែកម៉ាស៊ីន ។ ខណៈនោះដែរម្ចាស់ម៉ូតូក៏ស្ទុះទៅសុំទឹកពីអ្នកលក់សាំងយកមកជះពន្លត់ ប៉ុន្តែភ្លើងកាន់តែឆេះខ្លាំងឡើងៗហើយអ្នកឃើញេហតុការណ៍ក៏ជួយកើបខ្សាច់បាចជះពន្លាត់ ទើបធ្វើឱ្យភ្លើងនោះរលត់ទៅវិញ ។
ប្រភពព័ត៌មានដដែលបានបន្តទៀតថា បុរសជាម្ចាស់ម៉ូតូឈ្មោះ ទូច សុវណ្ណ អាយុ៤៣ឆ្នាំ មានទីលំនៅភូមិជ្រៃបាក់ឃុំជ្រៃបាក់ ស្រុករលាប្អៀរ ។ ក្រោយពេលកើតហេតុ បុរសជាម្ចាស់ម៉ូតូបានអូសម៉ូតូគាត់យកទៅជួសជុលនៅកន្លែងជាង ។ ប៉ូលិសបាននិយាយថា ការឆេះម៉ូតូនេះអាចបណ្តាលមកពីខ្សែប៊ូហ្ស៊ីគ្មានខ្សៀហើយយកទៅដោតភ្ជាប់នឹងកន្ទុយប៊ូហ្ស៊ី ទើបពេលបុរសនោះធាក់ម៉ូតូបញ្ឆេះបានបែកផ្កាភ្លើងហើយគួបផ្សំនឹងទុយោសាំងនៅជិតគ្នាផងក៏បណ្តាលឱ្យឆាបឆេះតែម្តង ។ សំណាងល្អហើយដែលម៉ូតូឆាបឆេះនៅឆ្ងាយពីកន្លែងលក់សាំងបើនៅក្បែរនោះបន្តិច កុំអីអាសន្នធំជាមិនខាន ៕
ចែករំលែកព័តមាននេះ