ខេត្តស្វាយរៀង ៖ បុរសវ័យ៤៩ឆ្នាំម្នាក់ ដោយសារអាការៈមិនសូវស្រួលខ្លួន ខណៈទៅបត់ជើងក្នុងបង្គន់ ដែលសង់លើទឹកស្រះក្រោយផ្ទះ ហើយទំនងគាត់កើតខ្យល់.គរដួលធ្លាក់ពីលើបង្គន់ចូលក្នុងទឹកស្រះលង់ស្លាប់តែម្តង ។ ហេតុការណ៍នេះ បង្កការភ្ញាក់ផ្អើលកាលពីវេលាម៉ោងប្រមាណ០៥…
ខេត្តស្វាយរៀង ៖ បុរសវ័យ៤៩ឆ្នាំម្នាក់ ដោយសារអាការៈមិនសូវស្រួលខ្លួន ខណៈទៅបត់ជើងក្នុងបង្គន់ ដែលសង់លើទឹកស្រះក្រោយផ្ទះ ហើយទំនងគាត់កើតខ្យល់.គរដួលធ្លាក់ពីលើបង្គន់ចូលក្នុងទឹកស្រះលង់ស្លាប់តែម្តង ។ ហេតុការណ៍នេះ បង្កការភ្ញាក់ផ្អើលកាលពីវេលាម៉ោងប្រមាណ០៥ និង៣០នាទីព្រឹកថ្ងៃទី២៣ វិច្ឆិកា ស្ថិតក្នុងភូមិលៀប ឃុំកណ្តៀងរាយ ស្រុកស្វាយទាប។
ប្រភពពីសមត្ថកិច្ចឱ្យដឹងថា ជនរងគ្រោះខាងលើ ឈ្មោះស ភេទប្រុស អាយុ៤៩ឆ្នាំ ជាកសិករ រស់នៅក្នុងចំណុចកើតហេតុ ។
ប្រភពដដែលបន្តថា កាលពីល្ងាចថ្ងៃទី២២ វិច្ឆិកា ជនរងគ្រោះបានប្រពន្ធដែរថា «ម៉ែវា ខ្ញុំដូចជាមិនសូវស្រួលក្នុងខ្លួនសោះចេះតែលវិលៗមុខ » ពេលនោះ ប្រពន្ធក៏មិនបានចាប់អារម្មណ៍ដែរ ក៏ចូលដេកធម្មតា។លុះព្រឹកគាត់ (ជនរងគ្រោះ)បានប្រាប់ប្រពន្ធទៀតថា «គាត់នៅតែមិនស្រួលខ្លួនសោះ» ។ បន្ទាប់មក គាត់ ប្រាប់ប្រពន្ធទៀតថា «ខ្ញុំទៅបត់ជើងហើយ»។
ដោយសារប្រពន្ធបានបាត់ប្តីយូរពេក មិនឃើញត្រឡប់មកវិញ ក៏មានការសង្ស័យហៅប្អូនទៅមើល តែបានឃើញនៅក្នុងបង្គន់ទេ ក៏នាំគ្នាឆោឡោឡើងដើររកមើល ស្រាប់តែប្រទះឃើញស្បែកជើងម្ខាងទើរនៅលើកាំជណ្តើរបង្គន់ ក៏សន្និដ្ឋានថា ប្រហែលជាធ្លាក់ចូលក្នុងទឹកស្រះហើយ ។ បន្ទាប់មក បាននាំគ្នាចុះរាវរកក្នុងទឹកស្រះប្រទះឃើញជនរងគ្រោះមែន ។
ចែករំលែកព័តមាននេះ