រាជធានីភ្នំពេញ ៖ ការប្រកួតបាល់ទាត់ Metfone Cambodian League 2013 កាលពីរសៀលថ្ងៃអាទិត្យ ទី១៦ មិថុនា នៅពហុកីឡដ្ឋានជាតិអូឡាំពិកមានទាំងអស់២ប្រកួត ។ ជាលទ្ធផលក្រុមសាកលវិទ្យាល័យអាស៊ីអឺរ៉ុបបានយកឈ្នះលើក្រុមអគ្គលេខាធិការដ្ឋានព្រឹទ្ធសភា ១-០ ទាំងលំបាកបំផុត ខណៈក្រុមបៀលប្រាយយូណាយធីត យកឈ្នះលើក្រុមអគ្គស្នងការដ្ឋាននគរបាលជាតិ ២-១ ។
រាជធានីភ្នំពេញ ៖ ការប្រកួតបាល់ទាត់ Metfone Cambodian League 2013 កាលពីរសៀលថ្ងៃអាទិត្យ ទី១៦ មិថុនា នៅពហុកីឡដ្ឋានជាតិអូឡាំពិកមានទាំងអស់២ប្រកួត ។ ជាលទ្ធផលក្រុមសាកលវិទ្យាល័យអាស៊ីអឺរ៉ុបបានយកឈ្នះលើក្រុមអគ្គលេខាធិការដ្ឋានព្រឹទ្ធសភា ១-០ ទាំងលំបាកបំផុត ខណៈក្រុមបៀលប្រាយយូណាយធីត យកឈ្នះលើក្រុមអគ្គស្នងការដ្ឋាននគរបាលជាតិ ២-១ ។
នៅក្នុងតង់ទី១ នៅនាទីទី១៧ កីឡាករ នុត ស៊ីនួន ពាក់អាវលេខ២៨ ជាអ្នករកបានគ្រាប់បាល់១គ្រាប់នេះឱ្យក្រុមសាកលវិទ្យាល័យអាស៊ីអឺរ៉ុប ។ ក្រុមព្រឹទ្ធសភាបានព្យាយាមលេងវាយបកតាមរកគ្រាប់បាល់សងវិញ ប៉ុន្តែមិនអាចទៅរួចឡើយ ព្រោះថាខ្សែការពារ និងអ្នកចាំទីរបស់ក្រុមសាកលវិទ្យាល័យអាស៊ីអឺរ៉ុបបំពេញតួនាទីរបស់ខ្លួនបានយ៉ាងល្អបំផុត ។ ទោះជាយ៉ាងណា នៅតង់ទី២ ក្រុមសាកលវិទ្យាល័យអាស៊ីអឺរ៉ុបលែងមានឱកាសរកបានគ្រាប់បាល់ទី២បន្ថែមទៀតហើយ ព្រោះក្រុមព្រឹទ្ធសភាបានរារាំងមិនឱ្យមានការនាំយកបាល់ទៅលេងនៅមុខទីរបស់គេបានឡើយ ។
ក្រុមសាកលវិទ្យាល័យអាស៊ីអឺរ៉ុបពេលនេះលេងបាន១៤ប្រកួត ក្នុងនោះឈ្នះ២ ស្មើ៦ ចាញ់៦ មាន១៤ពិន្ទុ ។ រីឯក្រុមអគ្គលេខាធិការដ្ឋានព្រឹទ្ធសភាវិញលេងបាន១៤ប្រកួតដូចគ្នា ក្នុងនោះស្មើ១ ចាញ់១៣ មានតែ១ពិន្ទុប៉ុណ្ណោះ ។ ចំណែកក្រុមបៀលប្រាយយូណាយធីតវិញ បើទោះជាបានយកឈ្នះលើក្រុមអគ្គស្នងការដ្ឋាននគរបាលជាតិ ២-១ លើកនេះមែន ក៏គេមិនអាចឡើងផុតពីលេខរៀងទី៧ ក្នុងតារាងបានដែរព្រោះអីការប្រកួតទាំង១៤លើករបស់ក្រុមនេះទទួលលទ្ធផលឈ្នះ៥ ស្មើ៣ ចាញ់៦ មាន១៨ពិន្ទុ ។ រីឯក្រុមអគ្គស្នងការដ្ឋាននគរបាលជាតិវិញលេងបាន១៤ប្រកួតដូចគ្នា ឈ្នះ៥ ស្មើ៤ ចាញ់៤ មាន១៩ពិន្ទុ ស្ថិតនៅលេខរេៀងទី៦ ក្នុងតារាង ៕
ចែករំលែកព័តមាននេះ