រាជធានីភ្នំពេញ ៖ ផ្លូវលំមួយខ្សែស្ថិតនៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ ដែលតែងតែទទួលរងនូវការលិចលង់ជារៀងរាល់ឆ្នាំ ត្រូវបានសម្ពោធបើកការដ្ឋានស្ថាបនាធ្វើជាផ្លូវទីទួលសុវត្ថិភាពជូនប្រជាពលរដ្ឋប្រើប្រាស់លែងឱ្យមានទឹកជនលិចទៀតហើយក្រោយពេលស្ថាបនារួចរាល់ ដោយសារចាក់ដីលើកជាទំនប់កំពស់២ម៉ែត្រ។
រាជធានីភ្នំពេញ ៖ ផ្លូវលំមួយខ្សែស្ថិតនៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ ដែលតែងតែទទួលរងនូវការលិចលង់ជារៀងរាល់ឆ្នាំ ត្រូវបានសម្ពោធបើកការដ្ឋានស្ថាបនាធ្វើជាផ្លូវទីទួលសុវត្ថិភាពជូនប្រជាពលរដ្ឋប្រើប្រាស់លែងឱ្យមានទឹកជនលិចទៀតហើយក្រោយពេលស្ថាបនារួចរាល់ ដោយសារចាក់ដីលើកជាទំនប់កំពស់២ម៉ែត្រ។
ពិធីបើកការដ្ឋាននេះប្រព្រឹត្តទៅនៅរសៀលថ្ងៃទី១៧ មិថុនា ២០១៣នេះ ក្រោមអធិបតីភាពលោកអែម សុលាង ប្រធានក្រុមប្រឹក្សាខណ្ឌមានជ័យ លោកគួច ចំរើន អភិបាលខណ្ឌមានជ័យ និងលោកកែវ សារឿន ចៅសង្កាត់ចាក់អង្រែលើ ព្រមទាំងមានការចូលរួមពីប្រជាពលរដ្ឋរស់នៅអមសងខាងផ្លូវនោះផងដែរ ។
សូមបញ្ជាក់ថា ផ្លូវដែលបើកការដ្ឋានស្ថាបនាខាងលើនេះមានបណ្តោយប្រវែង២២២ម៉ែត្រ និងទទឹង៨ម៉ែត្រ ចំណាយថវិកាអស់ជាង១១លានរៀលដែលជាថវិកាមូលនិធិសង្កាត់ស្ថាបនាដោយក្រុមហ៊ុនម៉ៅការសណង់រស់ថៃ៕
ចែករំលែកព័តមាននេះ