តារា​ភាព​យន្ត និង​ម៉ូដែល​​ចិន​ដ៏​សិចស៊ី​ម្នាក់ គឺ​​នាង Gan Lu Lu បាន​ភ្លាត់​ស្នៀត​ចាញ់​​នៅ​ក្នុង​ហ្គេម (ល្បែង​កម្សាន្ត) ខណៈ​នាង​អញ្ជើញ​ទៅ​ចូល​រួម​ពិធី​​​សម្ពោធ​​ក្លិប​​កម្សាន្ត​​រាត្រី​​មួយ​នៅ​ប្រទេស​សិង្ហ​​បុរី ហើយ​ត្រូវ​បាន​សហ​គ្រិន​ជន​ជាតិ​ចិន​វ័យ​២៥​ឆ្នាំ​​ម្នាក់​ដែល​​បណ្តាក់​ទុន​រក​ស៊ី​នៅ​ប្រទេស​សិង្ហបុរី លោក Eric  Xu ដែល​ឈ្នះ​ហ្គេម​​ថើប​​ជញ្ជក់​មាត់​នាង​យ៉ាង​ឆ្ងាញ់​​ប្រមាណ​៥​​​វិនាទី​ ធ្វើ​​ឱ្យ​​​មាន​ការ​​ភ្ញាក់​ផ្អើល​ហ៊ោ​កញ្ជ្រៀវ​យ៉ាង​​ខ្លាំង ។

ពិធី​​សប្បាយ​កក្រើក​​រាត្រី​នេះបាន​ប្រព្រឹត្ត​ធ្វើ​ឡើង​​កាល​ពី​ដើម​ខែ​មិថុនា ​​នេះ​ហើយ​លោក Eric  Xu ​​បាន​ចំណាយ​ប្រាក់​​​អស់​​ជាង​៨​ពាន់​ដុល្លារ​​សម្រាប់​ភេសជ្ជៈ​​៥០​ដប​​នៅ​ក្នុង​ហ្គេម ហើយ​ឈ្នះ​ឱកាស​​ថើប​តារា​ភាព​យន្ត​ និង​បង្ហាញ​ម៉ូដ​ដ៏​សិចស៊ី​ជន​ជាតិ​​ចិន នាង Gan Lu Lu នេះ ​យ៉ាង​ឆ្ងាញ់​រយៈ​ពេល​៥​វិនាទី ។ ​លោក Eric ​ជា​អតិថិ​ជន​ម្នាក់​ក្នុង​ចំណោម​​អតិថិ​ជន​៥០០​នាក់ ដែល​ត្រូវ​បាន​អញ្ជើញ​ទៅ​កម្សាន្ត​នៅ​ក្លិប​រាត្រី Lava ព្រោះ​តែ​ពួក​គេ​ចង់​ជួប​តារា​ម៉ូដែល​សិចស៊ី​​ចិនវ័យ​២៧​ឆ្នាំ Gan Lu Lu នេះ​ដោយ​ផ្ទាល់ ។
ដោយ​សារ​តែ​​​មាន​សំណូម​ពរ​​បែប​នេះ ក្លិប​រាត្រី Lava ប្រទេស​សិង្ហ​បុរី ​បាន​ចំណាយ​ទឹក​ប្រាក់​៤​ម៉ឺន​ដុល្លារ​អញ្ជើញ Gan Lu Lu មក​បង្ហាញ​ខ្លួន ដើម្បី​ទាក់​ទាញ​អតិថិ​ជន​​ដែល​មានវ័យ​ចន្លោះ​ពី​ជាង​២០​ទៅ​ជាង​៣០​ឆ្នាំ ។ អ្វី​ដែល​ពិសេស​បំផុត​សម្រាប់​ការ​​ទៅ​កម្សាន្ត​​​នៅក្លិប Lava នារាត្រី​នោះ គឺ​អ្នក​ចំណាយ​អស់​ទឹក​ប្រាក់​ច្រើន​បំផុត​អាច​ថើប Gan Lu Lu នៅ​លើ​ឆាក​បាន​១០​វិនាទី ៕