ខេត្តប៉ៃលិន៖ ក្រោយពីដឹងដំណឹងពីកុមារអនាថាដែលទាហានឈុតខ្លៅសៀមបញ្ជូនមកកម្ពុជាកាលពីវេលាម៉ោង៦ល្ងាចថ្ងៃទី២ មិថុនា ២០១៣ តាមរយៈទំព័រកាសែតកោះសន្តិភាព ប្ដីប្រពន្ធជនជាតិវៀតណាមបានទៅពិនិត្យមើលភិនភាគក្មេងនោះជាច្រើនដង ហើយបានអះអាងថាជាកូនបង្កើតរបស់ពួកគាត់។
ខេត្តប៉ៃលិន៖ ក្រោយពីដឹងដំណឹងពីកុមារអនាថាដែលទាហានឈុតខ្លៅសៀមបញ្ជូនមកកម្ពុជាកាលពីវេលាម៉ោង៦ល្ងាចថ្ងៃទី២ មិថុនា ២០១៣ តាមរយៈទំព័រកាសែតកោះសន្តិភាព ប្ដីប្រពន្ធជនជាតិវៀតណាមបានទៅពិនិត្យមើលភិនភាគក្មេងនោះជាច្រើនដង ហើយបានអះអាងថាជាកូនបង្កើតរបស់ពួកគាត់។
ការអះអាងរបស់ប្ដីប្រពន្ធជនជាតិវៀតណាមទាំង២នាក់ខាងលើ រហូតមកដល់ព្រឹកថ្ងៃទី១៤ មិថុនា ២០១៣ នេះ ខាងមន្ទីរសង្គមកិច្ច និងសមត្ថកិច្ច កំពុងរៀបចំសំណុំរឿងនិងឯកសារពាក់ព័ន្ធដើម្បីទៅពិនិត្យDNA នៅរាជធានីភ្នំពេញតាមការស្នើសុំ។
ប្ដីប្រពន្ធជាជនជាតិវៀតណាម ប្ដីឈ្មោះសុខ ជា អាយុ ៤០ឆ្នាំ និងប្រពន្ធឈ្មោះគឹម ប៊ុននី អាយុ៤០ឆ្នាំ មានទីលំនៅភូមិដើមចាន់ សង្កាត់ច្បារអំពៅ ខណ្ឌមានជ័យ ។ តាមការរៀបរាប់ពីប្ដីប្រពន្ធនេះឱ្យដឹងថា កូនរបស់ពូកគាត់បានបាត់តាំងពីអាយុ២ឆ្នាំ កន្លះ ហើយការបាត់នោះដោយសារមានបុរសជនជាតិវៀតណាមម្នាក់ដែលមកសុំនៅជាមួយបានជាង១ខែ បានលួចទៅ បុរសនោះឈ្មោះ ហាយ ។ បច្ចុប្បន្នកុមាររងគ្រោះកំពុងស្នាក់នៅមណ្ឌកុមារកំព្រា។
គួររំឮកផងដែរថា កុមារអនាថាអាយុ១០ឆ្នាំ ម្នាក់ដែលមានស្នាមរបួសស្ទើរតែពាសពេញខ្លួននោះត្រូវបានទាហានឈុត ខ្មៅសៀម បញ្ជូនមកកម្ពុជាវិញតាមច្រកទ្វារអន្តរជាតិប៉ោយប៉ែត កាលពីវេលាម៉ោង៦ល្ងាចថ្ងៃទី២ មិថុនា ២០១៣។
ប្រភពព័ត៌មានបានឱ្យដឹងថា កុមាររងគ្រោះខាងលើឈ្មោះប៊ូ ឡុង ភេទប្រុស អាយុ១០ឆ្នាំ មានទីលំនៅក្រុងប៉ោយប៉ែត បានទៅតាមម្ដាយសុំទានគេនៅប្រទេសថៃ ហើយត្រូវថៅកែខ្មែរវាយធ្វើបាបឱ្យមានស្នាមរបួសពេញខ្លួន ដើម្បីឱ្យគេអាណិត និងសុំលុយបានច្រើន។ ប្រភពបន្តថា ថៅកែនោះឈ្មោះតាគុយ អាយុ៤០ឆ្នាំ មានប្រពន្ធឈ្មោះ ហ៊ីង ជាជនជាតិខ្មែរដូចគ្នា៕
ចែករំលែកព័តមាននេះ