រាជធានីភ្នំពេញ ៖ កាលពីល្ងាចថ្ងៃទី១១ មិថុនា នគរបាលការិយាល័យចរាចរណ៍ជើងគោករាជធានីភ្នំពេញ បាននាំខ្លួនកូនប្រុសរបស់លោកឧត្តមសេនីយ៍ក្រសួងមហាផ្ទៃម្នាក់ ដែលជិះរថយន្តទំនើបបុកស្ត្រីម្នាក់ស្លាប់ទៅកាន់សាលាដំបូងដើម្បីឱ្យតំណាងអយ្យការធ្វើការចោទប្រកាន់តាមផ្លូវច្បាប់ ។ កូនប្រុសលោកឧត្តមសេនីយ៍នោះឈ្មោះ ជុំ គឹមឈុន អាយុ២៥ឆ្នាំ មានឋានន្តរស័ក្តិវរ
រាជធានីភ្នំពេញ ៖ កាលពីល្ងាចថ្ងៃទី១១ មិថុនា នគរបាលការិយាល័យចរាចរណ៍ជើងគោករាជធានីភ្នំពេញ បាននាំខ្លួនកូនប្រុសរបស់លោកឧត្តមសេនីយ៍ក្រសួងមហាផ្ទៃម្នាក់ ដែលជិះរថយន្តទំនើបបុកស្ត្រីម្នាក់ស្លាប់ទៅកាន់សាលាដំបូងដើម្បីឱ្យតំណាងអយ្យការធ្វើការចោទប្រកាន់តាមផ្លូវច្បាប់ ។ កូនប្រុសលោកឧត្តមសេនីយ៍នោះឈ្មោះ ជុំ គឹមឈុន អាយុ២៥ឆ្នាំ មានឋានន្តរស័ក្តិវរសេនីយ៍ទោ និងមានតួនាទីជាអនុប្រធានការិយាល័យគណនេយ្យ នៃនាយកដ្ឋានផែនការនិងហិរញ្ញវត្ថុក្រសួងមហាផ្ទៃ ស្នាក់នៅផ្ទះលេខ៥៦១ ផ្លូវភ្នំពេញហាណូត សង្កាត់ភ្នំពេញថ្មី ខណ្ឌសែនសុខ ។
គួរបញ្ជាក់ថា កាលពីវេលាម៉ោង១១និង៤០នាទីព្រឹកថ្ងៃទី១០ មិថុនា ឈ្មោះ ជុំ គឹមឈុន បានបើករថយន្តមា៉ករ៉ង់រូ៉វើរ ពណ៌ស រេចង្កូតជ្រុលទៅបុកស្ត្រីម្នាក់ជិះម៉ូតូស្មាសនៅលើវិថី ម៉ុង ឫទ្ធី ត្រង់ចំណុចភូមិបាយាប សង្កាត់ភ្នំពេញថ្មី ហើយអូសចម្ងាយជិត២០ម៉ែត្រ បណ្តាលឱ្យស្ត្រីនោះស្លាប់ភ្លាមៗនៅកន្លែងកើតហេតុ ។ ស្ត្រីរងគ្រោះឈ្មោះ ហុង ម៉ូនីតា អាយុ២៤ឆ្នាំ ស្នាក់នៅសង្កាត់បឹងកក់ទី២ ខណ្ឌទួលគោក ។ សាក្សីនិយាយថា មុនពេលកើតហេតុ រថយន្តនិងម៉ូតូបើកបញ្ច្រាសទិសគ្នា លុះដល់ចំណុចកើតហេតុ រថយន្តរេចង្កូតជ្រុលទៅបុកម៉ូតូរបស់ស្ត្រីរងគ្រោះ ។ ដោយឡែកមន្ត្រីនគរបាលជំនាញឱ្យដឹងតាមរយៈអ្នកបើកបរថា រថយន្តបានគេចម៉ូតូមួយគ្រឿងផ្សេងទៀត ទើបជ្រុលទៅបុកម៉ូតូស្ត្រីរងគ្រះទាំងកំរោល ។ ទោះយា៉ងណាមន្ត្រីជំនាញអះអាងថា អ្នកបើកបរមានជាតិស្រវឹងក្នុងខ្លួន ទើបបាត់បង់ម្ចាស់ការ ត្រូវសមត្ថកិច្ចឃាត់ខ្លួនបញ្ជូនទៅកាន់ការិយាល័យនគរបាលចរាចរជើងគោករាជធានីភ្នំពេញរួមជាមួយរថយន្តទំនើប នោះ ។
ក្រោយកើតហេតុ អ្នកបើកបររថយន្តឈ្មោះ ជុំ គឹមឈុន បានសងសំណងទៅឱ្យគ្រួសារជនរងគ្រោះ ព្រមទាំងធ្វើបុណ្យបូជាឱ្យផង ។ ប៉ុន្តែទោះជាយ៉ាងណាបុរសនោះ ត្រូវតំណាងអយ្យការចោទប្រកាន់ពីបទបើកបរបណ្តាលឱ្យមានគ្រោះថ្នាក់ដល់ជីវិតអ្នកដទៃដោយអចេតនាបញ្ជូនទៅឃុំខ្លួននៅពន្ធនាគារបណ្តោះអាសន្ន ៕
ចែករំលែកព័តមាននេះ