រាជធានីភ្នំពេញ ៖ លោក ឡុង ឌីម៉ង់ ប្រធានក្រុមការងារគណបក្សប្រជាជនកម្ពុជា ចុះជួយសង្កាត់ជើងឯក ខណ្ឌដង្កោ កាលពីរសៀលថ្ងៃទី៩ មិថុនា បាននាំយកអំណោយមានគ្រែ ពូក ខ្នើយ មុង ភួយ និងថវិកា២០ម៉ឺនរៀលទៅផ្តល់ជូនដល់យុវជនឈ្មោះរ៉ូយ៉ាល់ ជាជនពិការជើងដែលកំពុងជួបការលំបាកខ្វះខាត និងកំពុងស្នាក់នៅក្នុងទីស្នាក់ការភូមិរលួស សង្កាត់ជើងឯក បច្ចុប្បន្ន
រាជធានីភ្នំពេញ ៖ លោក ឡុង ឌីម៉ង់ ប្រធានក្រុមការងារគណបក្សប្រជាជនកម្ពុជា ចុះជួយសង្កាត់ជើងឯក ខណ្ឌដង្កោ កាលពីរសៀលថ្ងៃទី៩ មិថុនា បាននាំយកអំណោយមានគ្រែ ពូក ខ្នើយ មុង ភួយ និងថវិកា២០ម៉ឺនរៀលទៅផ្តល់ជូនដល់យុវជនឈ្មោះរ៉ូយ៉ាល់ ជាជនពិការជើងដែលកំពុងជួបការលំបាកខ្វះខាត និងកំពុងស្នាក់នៅក្នុងទីស្នាក់ការភូមិរលួស សង្កាត់ជើងឯក បច្ចុប្បន្នយុវជនរូបនេះ គឺជានិស្សិតឆ្នាំទី៣នៃសាកលវិទ្យាល័យចំរើនពហុបច្ចេកវិទ្យាផ្នែកធនាគារ និងហិរញ្ញវត្ថុ ។
លោក ឡុង ឌីម៉ង់ បញ្ជាក់ថា នេះជាអំណោយដែលត្រូវបានប្រគល់ជូនប្អូនដើម្បីជួយសម្រួលការលំបាករបស់ប្អូន ហើយប្អូនត្រូវប្រកាន់ទស្សនៈថា ត្រូវសប្បាយចិត្តចំពោះអ្វីដែលប្អូនមាននោះទើបមានការតស៊ូ និងទទួលជោគជ័យក្នុងជីវិត ព្រោះប្អូនពិការតែរាងកាយតែទឹកចិត្តមិនពិការឡើយ ។ ក្នុងពេលនោះ លោក ឡុង ឌីម៉ង់ ក៏បានជួបសំណេះសំណាល និងចែកអំណោយដល់ប្រជាពលរដ្ឋ ដែលជាសមាជិក-សមាជិកាគណបក្សប្រជាជនកម្ពុជា នៅក្នុងសង្កាត់ជើងឯកចំនួន៥០៣នាក់ផងដែរ ។
លោក ឡុង ឌីម៉ង់បានលើកឡើងថា ការឃោសនារបស់អ្នកនយោបាយ ឬគណបក្សនយោបាយមួយចំនួនគួរធ្វើដូចក្រុមហ៊ុនផ្សាយពាណិជ្ជកម្មមុខទំនិញផ្សេងៗ ព្រោះអ្នកផ្សាយពាណិជ្ជកម្មគេឃោសនាលើកតែពីគុណភាពផលិតផលរបស់គេដោយមិនបន្តុះបង្អាប់មុខទំនិញអ្នកផ្សេងនោះឡើយ ។ ផ្ទុយទៅវិញអ្នកនយោបាយខ្លះនៅកម្ពុជារិះគន់គណបក្សដទៃលើកខ្លួនឯង ឬដុតផ្ទះគេបំភ្លឺផ្ទះខ្លួនឯង គឺអន់ជាងអ្នកផ្សព្វផ្សាយពាណិជ្ជកម្មមុខទំនិញទៅទៀត ៕
ចែករំលែកព័តមាននេះ