រាជធានីភ្នំពេញ ៖ ស្ត្រីអ្នកលក់បន្លែវ័យចំណាស់ម្នាក់ បានស្លាប់បាត់បង់ជីវិតយ៉ាងអាណោចអាធ័មនៅកន្លែងលក់បន្លែរបស់គាត់ ខណៈកំពុងអង្គុយលក់សុខៗស្រាប់តែមានអាការមិនស្រួលខ្លួន និងក្អួតឈាមស្លាប់ភ្លាមៗនៅនឹងកន្លែង ។ ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង៩និង៣០នាទីព្រឹកថ្ងៃទី១៣ ខែវិច្ឆិកា…
រាជធានីភ្នំពេញ ៖ ស្ត្រីអ្នកលក់បន្លែវ័យចំណាស់ម្នាក់ បានស្លាប់បាត់បង់ជីវិតយ៉ាងអាណោចអាធ័មនៅកន្លែងលក់បន្លែរបស់គាត់ ខណៈកំពុងអង្គុយលក់សុខៗស្រាប់តែមានអាការមិនស្រួលខ្លួន និងក្អួតឈាមស្លាប់ភ្លាមៗនៅនឹងកន្លែង ។
ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង៩និង៣០នាទីព្រឹកថ្ងៃទី១៣ ខែវិច្ឆិកា ឆ្នាំ២០១៨ នៅកន្លែងលក់បន្លែមួយក្នុងផ្សារកណ្តាល សង្កាត់ផ្សារកណ្តាលទី១ ខណ្ឌដូនពេញ ។
ប្រពភព័ត៌មានពីសមត្ថកិច្ចឱ្យដឹងថា ស្ត្រីរងគ្រោះឈ្មោះ កែម វឿន អាយុ៦៦ឆ្នាំ មានទីលំនៅផ្ទះលេខ៦C ផ្លូវព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ មានស្រុកកំណើតនៅភូមិគោល ឃុំទួលព្រិច ស្រុកអង្គស្នួលខេត្តកណ្តាល ។
មុនពេលកើតហេតុ ស្ត្រីរងគ្រោះខណៈកំពុងអង្គុយលក់បន្លែនៅលើគ្រែតូចមួយរបស់គាត់ដូចសព្វមួយដង ស្រាប់តែរូបគាត់មានអាការមិនស្រួល និងបម្រុងដើរទៅបន្ទប់ទឹក ។ ប៉ុន្តែមិនទាន់បានទៅផង ស្រាប់រូបគាត់ក្អួតឈាមដួលទៅលើដីក្បែរគ្រែលក់បន្លែរបស់គាត់ និងបង្កឲ្យមានការភ្ញាក់ផ្អើលដល់អ្នកជិតខាងនាំគ្នារត់មកជួយលើកនិងធ្វើចលនាដើម្បីសង្គ្រោះ តែជាអកុសលរូបគាត់បានស្លាប់បាត់ទៅហើយ និងរាយការណ៍ទៅសមត្ថកិច្ចឲ្យដឹងពីរឿងនេះ ។
តាមព័ត៌មានឲ្យដឹងថា ស្ត្រីចំណាស់រូបនេះមានជំងឺក្រពះ ពោះវៀនរ៉ាំរ៉ៃជាយូរមកហើយ ទើប
បានធ្វើរូបគាត់មានអាការក្អួតឈាមស្លាប់បែបនេះ ហើយសពត្រូវបានក្រុមគ្រួសារបញ្ជូនទៅស្រុកកំណើត ដើម្បីធ្វើបុណ្យទៅតាមប្រពៃណី ៕
ចែករំលែកព័តមាននេះ