ខេត្តតាកែវ ៖ សពបុរសម្នាក់ត្រូវបានគេប្រទះឃើញនៅក្នុងប្រឡាយទឹកកាលពីវេលាម៉ោង៦ និង៣០នាទីព្រឹកថ្ងៃទី១២ មិថុនា ២០១៣ ស្ថិតភូមិលាក់រទេះ ឃុំខ្វាវ ស្រុកសំរោង ខេត្តតាកែវ ដែលគេសង្ស័យថា ជាករណីប្លន់សម្លាប់យកម៉ូតូ ហើយទម្លាក់សពចោលនៅក្នុងប្រឡាយទឹកនោះ ។
ខេត្តតាកែវ ៖ សពបុរសម្នាក់ត្រូវបានគេប្រទះឃើញនៅក្នុងប្រឡាយទឹកកាលពីវេលាម៉ោង៦ និង៣០នាទីព្រឹកថ្ងៃទី១២ មិថុនា ២០១៣ ស្ថិតភូមិលាក់រទេះ ឃុំខ្វាវ ស្រុកសំរោង ខេត្តតាកែវ ដែលគេសង្ស័យថា ជាករណីប្លន់សម្លាប់យកម៉ូតូ ហើយទម្លាក់សពចោលនៅក្នុងប្រឡាយទឹកនោះ ។
ជនរងគ្រោះដែលស្លាប់ត្រូវបានគេស្គាល់ឈ្មោះយិន កែវ ភេទប្រុស អាយុ៤៦ឆ្នាំ រស់នៅភូមិព្រៃសន្លែង ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។ មុនពេលកើតហេតុ ជនរងគ្រោះជិះម៉ូតូC125 ស៊េរីឆ្នាំ២០០៩ ឡើងតែមឆ្នាំ២០១០ ពណ៌ខ្មៅ ពាក់ស្លាកលេខខ-១យ១១០៥ ភ្នំពេញ បានមកចូលរួមពិធីបុណ្យនៅផ្ទះមិត្តភក្តិ បន្ទាប់មកក៏បានជិះចេញពីកន្លែងបុណ្យ រួមជាមួយជនសង្ស័យរួចពួកគេល្បួងទៅផឹកស៊ីជាមួយ នៅពេលស្រវឹងក៏វាយសម្លាប់ប្លន់យកម៉ូតូ ហើយបានយកសពមកទម្លាក់ចោលក្នុងប្រឡាយទឹក ហើយជិះគេចខ្លួនបាត់តែម្តង ។
សមត្ថកិច្ចជំនាញបានកំណត់មុខសញ្ញាក្រុមជនល្មើសបានហើយ កំពុងធ្វើការតាមស្វែងរកចាប់ខ្លួន ដើម្បីកាត់ទោសទៅតាមផ្លូវច្បាប់៕
ចែករំលែកព័តមាននេះ