លោកត្រាំចង់ដកតំណែងរដ្ឋមន្ត្រីពាណិជ្ជកម្ម Wilbur Ross
ទីក្រុងវ៉ាស៊ីនតោន ៖ សារព័ត៌មានបានឲ្យដឹងកាលពីថ្ងៃសុក្រមកថា លោកប្រធានាធិបតីដូណាល់ ត្រាំ (Donald Trump) កំពុងតែពិចារណាដកតំណែងរដ្ឋមន្ត្រីពាណិជ្ជកម្ម លោក Wilbur…
ទីក្រុងវ៉ាស៊ីនតោន ៖ សារព័ត៌មានបានឲ្យដឹងកាលពីថ្ងៃសុក្រមកថា លោកប្រធានាធិបតីដូណាល់ ត្រាំ (Donald Trump) កំពុងតែពិចារណាដកតំណែងរដ្ឋមន្ត្រីពាណិជ្ជកម្ម លោក Wilbur…
ទីក្រុងវ៉ាស៊ីនតោន ៖ សារព័ត៌មានបានឲ្យដឹងកាលពីថ្ងៃសុក្រមកថា លោកប្រធានាធិបតីដូណាល់ ត្រាំ (Donald Trump) កំពុងតែពិចារណាដកតំណែងរដ្ឋមន្ត្រីពាណិជ្ជកម្ម លោក Wilbur Ross។ សារព័ត៌មានមួយក្នុងសហរដ្ឋអាមេរិកបានឲ្យដឹងថា ប្រភពបីរូបបានអះអាងថា លោកប្រធានាធិបតីត្រាំចងដកលោក Ross នៅចុងឆ្នាំនេះ និងជំនួសដោយលោកស្រី Linda McMalon ប្រធានរដ្ឋបាលអាជីវកម្មតូចមួយ ។
សារព័ត៌មានមួយទៀតបានឲ្យដឹងថា ជោគវាសនារបស់លោក Ross ត្រូវពឹងផ្អែកលើថាតើគណបក្សប្រជាធិបតី នឹងស៊ើបអង្កេតពីហិរញ្ញវត្ថុរបស់លោក និងទ្រព្យសម្បត្តិរបស់លោកឬទេ ។
សារព័ត៌មាននេះបានឲ្យដឹងទៀតថា លោកស្រី McMahon ដែលជាអតីតនាយកប្រតិបត្តិរបស់ World Wrestling Entertainment បាននិយាយថា White House ភាគច្រើនគាំទ្រការធ្វើពាណិជ្ជកម្មសេរី ខណៈដែលភាគតិចគាំទ្រការដាក់ពន្ធច្រើនជាងលោក Ross។
ប្រភពមួយផ្សេងទៀតបានឲ្យដឹងថា លោកត្រាំក៏កំពុងតែពិចារណាលើលោក Ray Washburne ផងដែរ ដែលជាប្រធានក្រុមហ៊ុន Oversea Private Investment Corporation កាលពីឆ្នាំមុន ។
ក្រោមបទបញ្ជារបស់លោកប្រធានាធិបតីត្រាំ លោក Ross ត្រូវបានគេស៊ើបអង្កេតលើការនាំចូលយានយន្តនិងគ្រឿងយានយន្តដើម្បីដឹងពីផលប៉ះពាល់លើសន្តិសុខជាតិរបស់សហរដ្ឋអាមេរិក ។
សេចក្តីរាយការណ៍ខាងលើត្រូវបានលេចចេញឡើងក្នុងអំឡុងពេល២ថ្ងៃ បន្ទាប់ពីលោកប្រធានាធិបតីត្រាំបានដកប្រធានមេធាវី Jeff Sessions ផងដែរ ។ លើសពីនេះទៀត មានការគិតថា លោកត្រាំអាចនឹងប្តូរដ្ឋមន្ត្រីការពារ លោក Jim Mattis ផងដែរ ៕
ចែករំលែកព័តមាននេះ