រាជធានីភ្នំពេញ ៖ ក្រុមហ៊ុនទូរស័ព្ទចល័តលំដាប់ថ្នាក់លេខ១ នៅកម្ពុជាបានប្រកាសថានឹងផ្តល់ជូនអតិថិជននូវរង្វាន់ដ៏ពិសេសមួយ គឺទឹកប្រាក់១លានរៀលរៀងរាល់មួយខ្សែពេញមួយជីវិត សម្រាប់អតិថិជន៤រូប នៅក្នុងខែមិថុនានេះ ។ ឥឡូវនេះក្រុមហ៊ុនបានរកឃើញអ្នកឈ្នះប្រចាំសប្តាហ៍ទី១ហើយ ដែលគាត់ទទួលបានប្រាក់១លានរៀលរៀងរាល់ខែពេញមួយជីវិត ។ អ្នកឈ្នះទី១ ពីក្រុម
រាជធានីភ្នំពេញ ៖ ក្រុមហ៊ុនទូរស័ព្ទចល័តលំដាប់ថ្នាក់លេខ១ នៅកម្ពុជាបានប្រកាសថានឹងផ្តល់ជូនអតិថិជននូវរង្វាន់ដ៏ពិសេសមួយ គឺទឹកប្រាក់១លានរៀលរៀងរាល់មួយខ្សែពេញមួយជីវិត សម្រាប់អតិថិជន៤រូប នៅក្នុងខែមិថុនានេះ ។ ឥឡូវនេះក្រុមហ៊ុនបានរកឃើញអ្នកឈ្នះប្រចាំសប្តាហ៍ទី១ហើយ ដែលគាត់ទទួលបានប្រាក់១លានរៀលរៀងរាល់ខែពេញមួយជីវិត ។ អ្នកឈ្នះទី១ ពីក្រុមហ៊ុនទូរស័ព្ទចល័ត Cellcard បានទៅលើអតិថិជនដែលមានឈ្មោះគ្រី លី ភេទប្រុស ជាកសិករ រស់នៅភូមិអន្លង់ចំណារ ឃុំចាន់សែន ស្រុកឧដុង្គ ខេត្តកំពង់ស្ពឺ ។
នៅព្រឹកថ្ងៃទី១១ មិថុនា ២០១៣ តំណាងក្រុមហ៊ុនទូរស័ព្ទចល័ត Cellcard ក៏បាននាំយករង្វាន់នេះទៅប្រគល់ជូនអតិថិជនដល់ផ្ទះរបស់គាត់តែម្តង និងបានអញ្ជើញគាត់ឱ្យទៅបើកគណនេយ្យក្នុងធនាគារអេស៊ីលីដា សាខាស្រុកឧដុង្គទៀតផង ដើម្បីងាយស្រួលដល់ការបើកប្រាក់ប្រចាំខែរបស់គាត់ ។
លោកគ្រី លី អតិថិជនដ៏មានសំណាងម្នាក់ក្នុងចំណោមអតិថិជន៤រូប បានមានប្រសាសន៍ថា នៅពេលក្រុមហ៊ុនបានទូរស័ព្ទទៅប្រាប់លោកថា លោកបានឈ្នះរង្វាន់១លានរៀលជារៀងរាល់ខែពេញមួយជីវិតនោះ លោកស្ទើរតែមិនជឿទេថា វាជារង្វាន់ពិត តែនៅពេលដែលតំណាងក្រុមហ៊ុនបានអញ្ជើញមកដល់ផ្ទះរបស់លោកផ្ទាល់ ទើបលោកជឿជាក់ថា វាជារង្វាន់ពិតប្រាកដដោយឥតភូតភរឡើយ ៕
ចែករំលែកព័តមាននេះ