បច្ចុប្បន្នយុវវ័យមួយចំនួន ចូលចិត្តសប្បាយភ្លេចការសិក្សារៀនសូត្រនាំគ្នាគេចសាលា ខ្លះជិះម៉ូតូជ្រែពេញផ្លូវសាធារណៈបង្កឱ្យមានការភ្ញាក់ផ្អើលដល់គេឯង ជាពិសេសបង្កគ្រោះថ្នាក់ផ្សេងៗ បណ្តាលឱ្យមនុស្សជាច្រើនរងគ្រោះ និងបាត់បង់ជីវិតដោយសារពួក គេ។
បច្ចុប្បន្នយុវវ័យមួយចំនួនចូលចិត្តសប្បាយភ្លេចការសិក្សារៀនសូត្រនាំគ្នាគេចសាលា ខ្លះជិះម៉ូតូជ្រែពេញផ្លូវសាធារណៈបង្កឱ្យមានការភ្ញាក់ផ្អើលដល់គេឯង ជាពិសេសបង្កគ្រោះថ្នាក់ផ្សេងៗ បណ្តាលឱ្យមនុស្សជាច្រើនរងគ្រោះ និងបាត់បង់ជីវិតដោយសារពួក គេ។
កញ្ញាចរិយា ពេជ្រ ដែលជាតារាសម្តែង តារាបង្ហាញម៉ូដ និងជាអតីតកញ្ញាប្រ៊ីដស្តុនលេខ២ប្រចាំឆ្នាំ២០១១របស់ស្ថានីយទូរទស្សន៍ប៉ុស្តិ៍លេខ៩ផងនោះ បានសំណូមពរតាមរយៈទស្សនាវដ្តីមហាគ្រួសារទៅដល់យុវវ័យទាំងអស់ថា យុវវ័យត្រូវតែខំប្រឹងក្រេបយកចំណេះវិជ្ជា ខំប្រឹងសិក្សារៀនសូត្រឱ្យបានច្រើនទាន់ខ្លួននៅក្មេងមិនត្រូវនាំគ្នាគេចសាលាជិះម៉ូតូដើរហើរទាំងហ្វូងទាំងហ្វាយ និងជ្រែពេញផ្លូវសាធារណៈបង្កចលាចលប៉ះពាល់សណ្តាប់ធ្នាប់នោះទេ ។
លើសពីនេះទៀតឃើញថា យុវវ័យមួយចំនួនមិនសូវជាគោរពច្បាប់ចរាចរណ៍ប៉ុន្មានទេ ព្រោះរាល់ពេលរាល់លើកឱ្យតែដល់ពេលល្ងាច នាងតែងតែឃើញក្មេងស្ទាវទាំងក្រុមៗ ជិះម៉ូតូជ្រែពេញផ្លូវ ទោះបីជាភ្លើងស្តុបជាសញ្ញាប្រាប់ឱ្យឈប់ក៏ដោយ ក៏ពួកគេមិនឈប់ដែរ បែរជានាំគ្នាជិះម៉ូតូទាំងហ្វូងចេញទៅ ដោយមិនខ្លាចញញើតច្បាប់ចរាចរណ៍ និងគោរពអ្នកដទៃបន្តិចសោះ សុខចិត្តឱ្យអ្នកផងដៀលត្មះ… ។
ចរិយានិយាយថា ទាំងនេះគឺមិនមែនជាការល្អនោះទេ ដូច្នេះនាងសំណូមពរទៅដល់យុវវ័យទាំងអស់ មេត្តាគោរពច្បាប់ចរាចរណ៍ គោរពឪពុក ម្តាយ លោកគ្រូ អ្នកគ្រូ និងត្រូវស្រឡាញ់ការសិក្សាឱ្យបានច្រើន មិនត្រូវយកពេលវេលាដ៏មានតម្លៃទៅបោះចោលតាមផ្លូវសាធារណៈតាមកន្លែងផឹកស៊ីបារឌីស្កូឥតប្រយោជន៍នោះទេ ៕
ចែករំលែកព័តមាននេះ