អ្នកស្រី ហង្ស សារ៉ន ចុងភៅមកពីខេត្តរតនគិរីបានប្រាប់មហាគ្រួសារថា សម្លនេះជាមុខម្ហូបពិសេសរបស់ជនជាតិភាគតិចវាមានឱជារសគួរឱ្យចាប់អារម្មណ៍ ។ ពេលនេះអ្នកស្រីសូមនាំលោកអ្នកសាកភ្លក្សរសជាតិតាមរបៀបធ្វើដូចខាងក្រោម ៖
អ្នកស្រី ហង្ស សារ៉ន ចុងភៅមកពីខេត្តរតនគិរីបានប្រាប់មហាគ្រួសារថា សម្លនេះជាមុខម្ហូបពិសេសរបស់ជនជាតិភាគតិចវាមានឱជារសគួរឱ្យចាប់អារម្មណ៍ ។ ពេលនេះអ្នកស្រីសូមនាំលោកអ្នកសាកភ្លក្សរសជាតិតាមរបៀបធ្វើដូចខាងក្រោម ៖
សម្រាប់សម្លឆ្នាំងធំ
គ្រឿងផ្សំ
ស្បែកគោ(ហាន់ជាបន្ទះធំៗល្មម) ៥គីឡូក្រាម, ឆ្អឹងគោ(កាប់ជាដុំធំៗបន្តិច)៧គីឡូក្រាម, ស្លឹកចាណាង ១០គីឡូក្រាម, ទំពាំងស្រស់(ហាន់ជាបន្ទះក្រាស់ៗបន្តិច) ៨គីឡូក្រាម, ស្នៀតពោត(កាត់ជាកង់ៗ)៨គីឡូក្រាម, ផ្សិត(ចិត និងលាងទឹកឱ្យស្អាត ដាក់ទាំងមូល ឬពុះជាពីរ) ៣គីឡូក្រាម, រំដេង(បុកត្រងយកតែទឹក), ម្ទេស៣០០ក្រាម, ស្លឹកក្រូចសើច តាមការចូលចិត្ត។
គ្រឿងផ្សំរសជាតិ
ស្ករបន្តិច, ប៊ីចេងបន្តិច, ម្សៅស៊ុបបន្តិច=អំបិលបន្តិច=៥០០ក្រាម។
វិធីធ្វើ
ដំបូងបុកស្លឹកចាណាងពូត រួចត្រងឱ្យស្អាតយកទៅផ្អាប់២ទៅ៣ថ្ងៃ ។ បន្ទាប់មកយកទៅរំងាស់ឱ្យពុះដាក់រំដេងចូលរួចដាក់ស្បែកគោ ឆ្អឹងគោ ទំពាំង និងគ្រឿងផ្សំរសជាតិរួម និងម្ទេស ហើយរំងាស់ចោលរយៈពេលយ៉ាងហោច១ថ្ងៃ សឹមដាក់ស្នៀតពោត និងផ្សិតចូល ឯស្លឹកក្រូចដាក់ពេលណាក៏បានរួចរំងាស់ឱ្យឆ្អិនសព្វជាការស្រេច៕
ចែករំលែកព័តមាននេះ