រាជធានីភ្នំពេញ ៖ ស្ត្រីរកស៊ីផ្លូវភេទម្នាក់ក្នុងចំណោម២នាក់ បានត្រូវមន្ត្រីយោធា២នាក់ឃាត់ខ្លួន និងវាយជាច្រើនដៃរួចប្រគល់ទៅឱ្យប៉ូលិសដោយចោទថា ស្រ្តីរូបនេះបានលួចយកប្រាក់របស់ខ្លួនដែលទៅរកពួកនាងបម្រើផ្លូវភេទអស់២០មុឺនរៀល កាលពីវេលាម៉ោង៨និង១៥នាទី យប់ថ្ងៃទី៨ មិថុនា នៅមុខផ្ទះលេខ៦៤០ តាមផ្លូវលេខ៧០ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។ ទោះបីជាយ៉ាងណា មន្ត្រីយោធា២នាក់នោះក៏បានគេចខ្លួនបាត់ដែរដោយមិនបានដាក់ពាក្យបណ្តឹងទេ ព្រោះមិនចង់ឱ្យគេស្គាល់អត្តសញ្ញាណ ។
ចំណែកស្ត្រីជាប់សង្ស័យឈ្មោះ ស៊្រុន ផល្លី អាយុុ៣២ឆ្នាំ ស្នាក់នៅតាមសំយាបផ្ទះគេក្នុងសង្កាត់ទួលសង្កែ ក្បែរកន្លែងកើតហេតុ ។ តាមព័ត៌មានឱ្យដឹងថា នៅយប់កើតហេតុ មានមន្ត្រីយោធា២នាក់ ស្ថិតនៅក្នុងស្ថានភាពស្រវឹង បានជិះម៉ូតូមួយគ្រឿងទៅរកស្ត្រីប្រកបមុខរបរផ្លូវភេទ ដែលឈរបោយដៃនៅតាមដងផ្លូវលេខ៧០ ក្នុងសង្កាត់ទួលសង្កែ ។ នៅពេលធ្វើដំណើរមកដល់ចំណុចខាងលើក៏បានជួបស្រ្តីរកស៊ីផ្លូវភេទ២នាក់ គឺម្នាក់ឈ្មោះ ស៊្រុន ផល្លី និងម្នាក់ទៀតឈ្មោះ ផា ហើយតថ្លៃគ្នា ។
តាមប្រភពព័ត៌មានឱ្យដឹងទៀតថា សេវាដេកមួយភ្លែតក្នុងម្នាក់គឺតម្លៃ២មុឺនរៀល ។ ពេលត្រូវរ៉ូវគ្នាហើយ ស្ត្រីទាំងពីរនាក់ក៏នាំគ្នាជិះម៉ូតូមួយគ្រឿងគ្នា៤នាក់ ទៅរកផ្ទះសំណាក់ដេក តែពេលរៀបឡើងជិះម៉ូតូ ស្រ្តីសង្ស័យបានលូកហោប៉ៅយកប្រាក់ពីមន្ត្រីយោធាម្នាក់អស់ចំនួនជាង២០មុឺនរៀល ហើយបណ្តោះឱ្យម្នាក់ទៀតគេចខ្លួន ។ នៅក្នុងសកម្មភាពនោះ ត្រូវមន្រ្តីយោធាឃាត់បានម្នាក់ឈ្មោះ ស៊្រុន ផល្លី និងបានវាយជាច្រើនដៃ រួចប្រគល់់ទៅឱ្យនគរបាលប៉ុស្តិ៍ទួលសង្កែ ។ បន្ទាប់មកក៏បានគេចខ្លួនបាត់ដែរ ដោយមិនបានដាក់ពាក្យបណ្តឹងឡើយ ។
បន្ទាប់ពីឃាត់ខ្លួន នគរបាលក៏បានធ្វើការអប់រំស្ត្រីរូបនេះ ហើយដោយពុំមានពាក្យបណ្តឹង និងដោយស្ត្រីរូបនេះ មានផ្ទុកមេរោគអេដស៍ផងក៏ដោះលែងទៅវិញ ៕
ចែករំលែកព័តមាននេះ