ខេត្តប៉ៃលិន៖ កុមារាអាយុ១០ឆ្នាំ ដែលត្រូវបានឪពុកមាវាយធ្វើបាបយ៉ាងធ្ងន់ធ្ងរនោះ ពេលនេះត្រូវបានមន្ទីរសង្គមកិច្ចប្រគល់ទៅឱ្យខាងឪពុកម្ដាយវិញ នាវេលាម៉ោង៩ព្រឹកថ្ងៃទី១០ មុថុនា ២០១៣ នៅមន្ទីរសង្គមកិច្ចស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន។
ខេត្តប៉ៃលិន៖ កុមារាអាយុ១១ឆ្នាំ ដែលត្រូវបានឪពុកមាវាយធ្វើបាបយ៉ាងធ្ងន់ធ្ងរនោះ ពេលនេះត្រូវបានមន្ទីរសង្គមកិច្ចប្រគល់ទៅឱ្យខាងឪពុកម្ដាយវិញ នាវេលាម៉ោង៩ព្រឹកថ្ងៃទី១០ មុថុនា ២០១៣ នៅមន្ទីរសង្គមកិច្ចស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន។
ស្ថិក្នុងឱកាសនោះមានវត្តមានខាងមន្ទីរសង្គមកិច្ច មន្ទីរកិច្ចការនារី និងអង្គការសង្គមសង្គ្រោះស្ដានីតិសប្បទាយុវនារីខេត្ត។
គួររំឮកថា ឪពុកមាសាច់ថ្លៃដែលធ្វើទារុណកម្មយ៉ាងព្រៃផ្សៃលើក្មួយប្រុសអាយុ ១១ឆ្នាំ ត្រូវបានការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្ត ប៉ៃលិន បញ្ជូនខ្លួនទៅតុលាការកាលពីព្រឹកថ្ងៃទី០១ មិថុនា ២០១៣ ។
ឪពុកមាអគតិនោះឈ្មោះពេជ្រ វណ្ណថា អាយុ៣២ឆ្នាំ ជាជាងជួសជុលម៉ូតូ រស់នៅភូមិអូរតាពុក សង្កាត់ទូលល្វា ក្រុងប៉ៃលិន ចំណែកប្រពន្ធត្រូវបានដោះលែងវិញ ព្រោះមិនបានប្រព្រឹត្តអំពើព្រៃផ្សៃនេះទេ ។ គួរបញ្ជាក់ថា កុមារារងគ្រោះឈ្មោះ វ៉ិត ម៉េងលៀង អាយុ១១ឆ្នាំ មានស្រុកកំណើតនៅភូមិលេខ៤ ឃុំត្រើយស្លា ស្រុកស្អាង ខេត្ដកណ្ដាល មានឪពុកឈ្មោះ វ៉ិត អាយុ៣១ឆ្នាំ ជាកសិករ និងម្ដាយឈ្មោះ យីម អាយុ៣៣ឆ្នាំ ។
កុមារារងគ្រោះមានបងប្អូន៣នាក់ រូបគេជាកូនទី១ រងការធ្វើទារុណកម្មពីឪពុកមាសាច់ថ្លៃយ៉ាងសាហាវព្រៃផ្សៃជាទីបំផុត ដោយចាប់គាបនឹងដង្កាប់ វាយនឹងខ្សែភ្លើង វាយនឹងកែងព្យួរខោអាវជារៀងរាល់ថ្ងៃ បណ្ដាលឱ្យរងរបួសជាំពេញខ្លួន ជាំកំប៉េះគូទ ជាំសាច់ភ្លៅ និងជាំដោះទាំងសងខាង ស្ទើរឡប់សតិទៅហើយ ៕
ចែករំលែកព័តមាននេះ