រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីវេលាម៉ោង៣និង១០នាទីថ្ងៃទី៩ មិថុនា បានធ្វើការបង្ក្រាបទីតាំងម៉ាស្សាបម្រើផ្លូវភេទដុះស្លែមួយកន្លែងនៅសណ្ឋាគារបា៉រីស ដែលមានទីតាំងស្ថិតនៅតាមបណ្តោយមហាវិថីកម្ពុជាក្រោម សង្កាត់មិត្តភាព ខណ្ឌ៧មករា ។
រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីវេលាម៉ោង៣និង១០នាទីថ្ងៃទី៩ មិថុនា បានធ្វើការបង្ក្រាបទីតាំងម៉ាស្សាបម្រើផ្លូវភេទដុះស្លែមួយកន្លែងនៅសណ្ឋាគារបា៉រីស ដែលមានទីតាំងស្ថិតនៅតាមបណ្តោយមហាវិថីកម្ពុជាក្រោម សង្កាត់មិត្តភាព ខណ្ឌ៧មករា ។
ការបង្ក្រាបនេះដឹកនាំកម្លាំងដោយលោកវរសេនីយ៍ ទោ កែវធា ប្រធានការិយាល័យនគរបាលប្រឆាំង ការជួញដូរ និងការពារអនីតិជន ព្រមទាំងមានការសម្របសម្រួលនិងចូលរួមពីសំណាក់លោកជា ម៉េត ព្រះរាជអាជ្ញារងអមសាលាដំបូងរាជធានីភ្នំពេញ និងសមត្ថកិច្ចមូលដ្ឋានផងដែរ ។ ក្នុងប្រតិបត្តិការបង្ក្រាបនោះសមត្ថកិច្ចបានធ្វើការឃាត់ខ្លួននារីម៉ាស្សាបម្រើផ្លូវភេទចំនួន៣៥នាក់ មេការម្នាក់និងថៅកែម្នាក់ ព្រមជាមួយនោះក៏មានការដកហូតស្រោមអនាម័យបានមួយចំនួន ។
លោកវរសេនីយ៍ទោ កែវ ធា បានឱ្យដឹងថា ទីតាំងម៉ាស្សា ដែលបង្កប់ដោយមុខរបរបម្រើផ្លូវភេទនៅជាន់ទី៣នៃសណ្ឋាគារប៉ារីសនេះគឺមានជាយូរមកហើយ ប៉ុន្តែសមត្ថកិច្ចយើងរកភស្តុតាងបង្ក្រាបមិនទាន់បានជាហេតុធ្វើឱ្យគេអាចប្រព្រឹត្តបានរហូតមក ។ ថៅកែម្នាក់ដែលសមត្ថកិច្ចឃាត់ខ្លួនឈ្មោះគួយ គាក់ ភេទប្រុស អាយុ៣៥ឆ្នាំ ត្រូវបាននាំទៅកាន់ការិយាល័យនគរបាលប្រឆាំងការជួញដូរមនុស្ស និងការពារអនីតិជនរាជធានីភ្នំពេញ ដើម្បីកសាងសំណុំរឿងបញ្ជូនទៅតុលាការវិនិច្ឆ័យតាមផ្លូវច្បាប់ ។ ចំណែកនារីម៉ាស្សាបម្រើផ្លូវភេទទាំង២៥នាក់ និងអាចប្រគល់ឱ្យទៅអង្គការមួយយកទៅអប់រំកែប្រែ ដើម្បីឱ្យនាងប្រកបមុខរបរក្រៅពីរបរនេះ ៕
ចែករំលែកព័តមាននេះ