រាជធានីភ្នំពេញ៖ អ្នកលេងហ្វេសប៊ុក២នាក់ ក្នុងនោះម្នាក់ជាតារាសម្ដែង និងម្នាក់ទៀត គឺជាតារាហ្វេសប៊ុកមានហ្វេនច្រើន បានចេញមុខជួយឈឺឆ្អាលចំពោះតារាចម្រៀងលោកជ័យ សុវ៉ាត ដែលខំបំផុសពីសិល្ប:ល្ខោនខោល តែត្រូវអ្នកលេងហ្វេសប៊ុកភាគច្រើនមើលរំលង បើធៀបនឹងការចែកចាយពីបុណ្យខ្មោចហាឡូវីន(Halloween)របស់បរទេស…
រាជធានីភ្នំពេញ៖ អ្នកលេងហ្វេសប៊ុក២នាក់ ក្នុងនោះម្នាក់ជាតារាសម្ដែង និងម្នាក់ទៀត គឺជាតារាហ្វេសប៊ុកមានហ្វេនច្រើន បានចេញមុខជួយឈឺឆ្អាលចំពោះតារាចម្រៀងលោកជ័យ សុវ៉ាត ដែលខំបំផុសពីសិល្ប:ល្ខោនខោល តែត្រូវអ្នកលេងហ្វេសប៊ុកភាគច្រើនមើលរំលង បើធៀបនឹងការចែកចាយពីបុណ្យខ្មោចហាឡូវីន(Halloween)របស់បរទេស ។
លោករុន ណាកូ តារាសម្ដែង កាលពីពេល ថ្មីៗកន្លងទៅអំឡុងបុណ្យខ្មោចហាឡូវីនបានបង្ហោះនៅលើហ្វេសប៊ុកថា«១០០ភាគរយ ដឹងតែមានអ្នកជេរហើយ ! តែអ្វីដែលខ្ញុំចង់និយាយ គឺគ្រាន់តែសង្វេគចិត្តប៉ុណ្ណោះ ដែលវប្បធម៌បរទេសឃើញកូនខ្មែរបំផុស និងលើកស្ទួយ ដោយមិនចាំបាច់មានអ្នកជួល ។ ក្រឡេកមកមើលចង្វាក់រាំវង់ និងល្ខោនខោលវិញ គឺថា ទាល់តែឮថាប្រទេសជិតខាង គេចង់យកទៅដាក់ជាបេតិកភណ្ឌរបស់គេទើបឃើញ ម្នាក់ៗ កញ្ជ្រោលមួយប្រាវ ។
យ៉ាងណាមិញការឈឺឆ្អាលទាំងនោះកំពុងចាប់ផ្ដើមស្ងាត់ ទៅៗជាបណ្ដើរៗ ដែលហាក់ដូចធ្វើតាមគ្នាមួយពេល។ ប៉ុន្តែសម្រាប់វប្បធម៌បរទេសវិញ គឺថារួមគ្នា លើកស្ទួយយ៉ាងផុលផុសតែម្ដង ជាក់ស្ដែងយប់បុណ្យហាឡូវីន គឺថាសុទ្ធតែរូបHalloween ពេញតែហ្វេសប៊ុក មិនថាអ្នកខេត្ត អ្នកក្រុង ។
បើអ្នកទាំងនោះងាកមកចែកចាយល្ខោនខោលខ្មែរ ឧទាហរណ៍ជួយគាំទ្រ និងចែកចាយ បទចម្រៀងរបស់តារាចម្រៀងសាន់ដេ លោក ជ័យ សុវ៉ាត ដែលទើបចេញមុននេះពាក់ព័ន្ធនឹងសិល្ប:ល្ខោនខោលឲ្យបានតែពាក់កណ្ដាលការលើកស្ទួយ Halloween មិនដឹងថា វប្បធម៌ខ្មែរសុសសាយប៉ុនណាទេ ! ខ្ញុំចង់ឃើញអ្នកលេងហ្វេសប៊ុកបំផុសអ្វីពីដែលជារបស់ខ្មែរ ឲ្យបានច្រើនជាងវប្បធម៌បរទេស មិនគួរលើកស្ទួយ Halloween របស់បរទេស ក្នុងពេលដែលវប្បធម៌បុរាណរបសជាតិឯង ដូចជាចង្វាក់ប្រពៃណី សម្លៀកបំពាក់បុរាណ និងល្ខោនខោល មានភាពឯកោបែបហ្នឹងទេ…!
សុំទោសបើខ្ញុំបញ្ចេញយោបល់មួយនេះខុស»។
អ្នកលេងហ្វេសប៊ុកម្នាក់ទៀតឈ្មោះTavan Jalerm បានបង្ហោះសារឈឺឆ្អាលចំពោះលោកជ័យ សុវ៉ាត ដូចគ្នាដែរ ដោយលោកសរសេរថា«មិនចង់ទើសទេ ដឹងថាទើសទៅមានគេជេរ តែទ្រាំមិនបានព្រោះខ្មោច Halloween ចេញលងពេញក្រុងភ្នំពេញយប់៣១ តុលា ។ កូនខ្មែរអើយបើអ្នកខំថែ ចែករំលែកវប្បធម៌ខ្មែរ ដូច Halloween មិនដឹងជាល្អយ៉ាងណាទេ។ ខ្ញុំអាណិតបងជ័យ សុវ៉ាត និងផលិតកម្មសាន់ដេ ខំចេញMV សម្ដែង ស្លៀកសម្លៀកបំពាក់ ល្ខោនខោល បែរជាមិនសូវមានអ្នកគាំទ្រ!»។
អមដោយសំណេរធ្វើឲ្យ ម្នាក់ៗអានហើយកោតសរសើរ លោកTavan Jalermក៏បានបង្ហោះវីដេអូរិះគន់អ្នកងប់ងល់នឹង Halloween កាលពីយប់ថ្ងៃទី៣១ តុលា ដែលជាថ្ងៃធំរបស់Halloween ។ ដ្បិតមានអ្នកទើស មានអ្នកជេរ តែក៏មានអ្នកគាំទ្រច្រើនដែរ ៕
ចែករំលែកព័តមាននេះ