រាជធានីភ្នំពេញ ៖ បុរសជាងកុំព្យូទ័រម្នាក់បានត្រូវប៉ូលិសប៉ុស្តិ៍ផ្សារដេប៉ូទី២ឃាត់ខ្លួន កាលពីវេលាម៉ោង៣និង១៥នាទីរសៀលថ្ងៃទី៦ មិថុនា នៅពេលធ្វើដំណើរទៅលួងលោមប្រពន្ធដែលលែងលះគ្នាប្រមាណ១ឆ្នាំក៏មានទំនាស់គ្នាហើយចាក់សោបង្ខាំងប្រពន្ធនិងដកកាំភ្លើងភ្ជង់គំរាមរកបាញ់ទៀតនៅផ្ទះលេខ៩១BE1Z ផ្លូវលេខ២១៥ សង្កាត់ផ្សារដេប៉ូទី២ ខណ្ឌទួល គោក ។
រាជធានីភ្នំពេញ ៖ បុរសជាងកុំព្យូទ័រម្នាក់បានត្រូវប៉ូលិសប៉ុស្តិ៍ផ្សារដេប៉ូទី២ឃាត់ខ្លួន កាលពីវេលាម៉ោង៣និង១៥នាទីរសៀលថ្ងៃទី៦ មិថុនា នៅពេលធ្វើដំណើរទៅលួងលោមប្រពន្ធដែលលែងលះគ្នាប្រមាណ១ឆ្នាំក៏មានទំនាស់គ្នាហើយចាក់សោបង្ខាំងប្រពន្ធនិងដកកាំភ្លើងភ្ជង់គំរាមរកបាញ់ទៀតនៅផ្ទះលេខ៩១BE1Z ផ្លូវលេខ២១៥ សង្កាត់ផ្សារដេប៉ូទី២ ខណ្ឌទួល គោក ។ នៅពេលឃាត់ខ្លួន សមត្ថកិច្ចដកហូតបានកាំភ្លើងខ្លីម៉ាកកា៥៤មួយដើម មាន៧គ្រាប់។
បុរសដែលត្រូវឃាត់នេះឈ្មោះជឹង រតនា អាយុ៣៧ឆ្នាំ មានទីលំនៅផ្ទះលេខ៧៨ ផ្លូវលេខ៣១៥ សង្កាត់វាលវង់ ខណ្ឌ៧មករា ចំណែកប្រពន្ធឈ្មោះភោគ សេរីវឌ្ឍនី អាយុ២៤ឆ្នាំ មានទីលំនៅក្នុងកន្លែងកើតហេតុខាងលើ ។ មន្រ្តីប៉ូលិសខណ្ឌទួលគោកឱ្យដឹងថា ជនសង្ស័យត្រូវបាននគរបាលប៉ុស្តិ៍ផ្សារដេប៉ូទី២ ឃាត់ខ្លួននៅពេលធ្វើដំណើរទៅផ្ទះប្រពន្ធដែលលែងលះគ្នាហើយមានទំនាស់ពាក្យសម្តីគ្នាដកកាំភ្លើងភ្ជង់គំរាមធ្វើឱ្យមានការភ្ញាក់ផ្អើលយ៉ាងខ្លាំង ។
ប្រភពព័ត៌មានឱ្យដឹងថា មុនពេលកើតហេតុបុរសឈ្មោះ ជឹង រតនា បានលួចចួលទៅផ្ទះប្រពន្ធដែលលែងលះគ្នាប្រមាណជាង១ឆ្នាំ តាមទ្វារក្រោយ ក្នុងគោលបំណងហៅប្រពន្ធទៅរួមរស់នៅជាមួយគ្នាវិញ ។ ខណៈនោះក៏មានទំនាស់គ្នាដោយស្រ្តីជាប្រពន្ធមិនព្រមហើយបុរសជាប្តីបានចាក់សោទ្វារនិងដកកាំភ្លើងភ្ជង់គំរាម ។ ប្រភពព័ត៌មានឱ្យដឹងទៀតថា នៅវេលារសៀលនោះ២នាក់ប្តីប្រពន្ធមានទំនាស់គ្នាយ៉ាងខ្លាំងហើយឆ្លៀតពេលដែលប្តីភ្លេចខ្លួន ស្រ្តីជាប្រពន្ធក៏ផ្លោះតាមបង្អួចរត់ចេញមកក្រៅឯបុរសជាប្តីបានបញ្ចូលគ្រាប់ភ្ជង់ដេញតាមចុះមកដល់ក្រោម គាប់ជួនពេលនោះប៉ូលិសល្បាតទៅដល់ក៏ធ្វើអន្តរាគមន៍ឃាត់ខ្លួនតែម្តង ៕
ចែករំលែកព័តមាននេះ