ខេត្តកំពត ៖ កាលពីវេលាម៉ោង១១យប់ថ្ងៃទី៤ មិថុនាកន្លងមក នៅចំណុចក្បែរសាលាឃុំព្រែកក្រឹសជិតផ្សារតន់ហន់ ក្នុងស្រុកកំពង់ត្រាច មន្ត្រីប្រចាំការច្រកទ្វារទ្វេភាគីតាមស្ទាក់ចាប់រថយន្តដឹកឈើគ្រញូងបានជាង១ពាន់គីឡូក្រាម ។លោក កែវ វ៉ាន្នី មន្ត្រីគយប្រចាំការនៅច្រកទ្វារទ្វេភាគីតន់ហន់បានឱ្យដឹងថា កន្លងមកជាហូរហែ មានឈ្មួញដឹកឈើគ្រញូងទៅប្រទេសវៀតណាម
ខេត្តកំពត ៖ កាលពីវេលាម៉ោង១១យប់ថ្ងៃទី៤ មិថុនាកន្លងមក នៅចំណុចក្បែរសាលាឃុំព្រែកក្រឹសជិតផ្សារតន់ហន់ ក្នុងស្រុកកំពង់ត្រាច មន្ត្រីប្រចាំការច្រកទ្វារទ្វេភាគីតាមស្ទាក់ចាប់រថយន្តដឹកឈើគ្រញូងបានជាង១ពាន់គីឡូក្រាម ។លោក កែវ វ៉ាន្នី មន្ត្រីគយប្រចាំការនៅច្រកទ្វារទ្វេភាគីតន់ហន់បានឱ្យដឹងថា កន្លងមកជាហូរហែ មានឈ្មួញដឹកឈើគ្រញូងទៅប្រទេសវៀតណាមតាមច្រករបៀង ក្រោយពីមានដំណឹងនេះកម្លាំងសមត្ថកិច្ចបានឃ្លាំមើល ប៉ុន្តែក្រុមឈ្មួញទាំងនោះហាក់ដូចជាដឹងតម្រុយជាមុន ទើបចេះតែគេចផុតពីគោលដៅកម្លាំងរបស់លោក ។
ទោះជាយ៉ាងណា លោកនៅតែបន្តតាមឃ្លាំមើលដោយមិនរាថយ ។ មន្ត្រីគយរូបនោះបន្តថា រហូតដល់យប់ថ្ងៃទី៤ មិថុនាលោកទទួលបានដំណឹងច្បាស់ការណ៍ ក៏នាំកម្លាំងមានលោក ម៉ៅ គឹមសាយ មន្ត្រីកាំកុងត្រូល ប៉ូលិសត្រួតពិនិត្យច្រកទ្វារទ្វេភាគីតន់ហន់ យោធាការពារព្រំដែន និងមន្ត្រីសាលាខេត្តចុះស្ទាក់ចាប់បានរថយន្តកាមរីមួយគ្រឿងពាក់ស្លាកលេខព្រះសីហនុ 2A-0725 ដូចដែលភិនភាគផ្តល់ឱ្យ ។ ទោះបីជាបែបណា មិនមានការចាប់ឃាត់ខ្លួនអ្នកទាក់ទិនណាម្នាក់នោះទេ ។
លោក កែវ វ៉ាន្នី ប្រាប់ថា ចំនួនឈើគ្រញូងនៅក្នុងរថយន្តនោះ ក្រោយពីពិនិត្យនិងថ្លឹងឃើញមានចំនួន១.៣៥០គីឡូក្រាម ។ នៅព្រឹកថ្ងៃទី៥ មិថុនា មន្ត្រីច្រកទ្វារបានប្រគល់ឱ្យខាងមន្ត្រីរដ្ឋបាលព្រៃឈើខេត្តកំពត ទាំងឈើទាំងរថយន្តទៅរក្សាទុកនៅខណ្ឌរដ្ឋបាលព្រៃឈើខេត្ត ៕
ចែករំលែកព័តមាននេះ