ខេត្តប៉ៃលិន ៖ អ្នកភូមិសង្កេតឃើញរថយន្តតាក់ស៊ីជាច្រើនគ្រឿងចតនៅលើចិញ្ចើមផ្លូវជាតិលេខ៥៧ ស្ថិតនៅភូមិអូរតាពុកលើ សង្កាត់ប៉ៃលិន ក្រុងប៉ៃលិន កាលពីវេលាម៉ោង១០និង៣០នាទីព្រឹក ថ្ងៃទី៦ មិថុនា ។អ្នកភូមិរស់នៅក្បែរចំណតរថយន្តនេះនិយាយថា ស្ទើរតែរាល់ថ្ងៃមានរថយន្តតាក់ស៊ីជាច្រើនគ្រឿងយកចិញ្ចើមផ្លូវជាតិលេខ៥៧ ធ្វើជាកន្លែងចតរថយន្តដោយអត់បើកចូលទៅក្នុង
ខេត្តប៉ៃលិន ៖ អ្នកភូមិសង្កេតឃើញរថយន្តតាក់ស៊ីជាច្រើនគ្រឿងចតនៅលើចិញ្ចើមផ្លូវជាតិលេខ៥៧ ស្ថិតនៅភូមិអូរតាពុកលើ សង្កាត់ប៉ៃលិន ក្រុងប៉ៃលិន កាលពីវេលាម៉ោង១០និង៣០នាទីព្រឹក ថ្ងៃទី៦ មិថុនា ។អ្នកភូមិរស់នៅក្បែរចំណតរថយន្តនេះនិយាយថា ស្ទើរតែរាល់ថ្ងៃមានរថយន្តតាក់ស៊ីជាច្រើនគ្រឿងយកចិញ្ចើមផ្លូវជាតិលេខ៥៧ ធ្វើជាកន្លែងចតរថយន្តដោយអត់បើកចូលទៅក្នុងចំណតឱ្យបានត្រឹមត្រូវនោះទេ ។ ប្រភពដដែលឱ្យដឹងទៀតថា ពេលខ្លះម្ចាស់រថយន្ត និងព្រូបាននាំគ្នារត់ចាប់ម៉ូយយ៉ាងប្រសេចប្រសាចពេញផ្លូវ។
អ្នកដំណើរម្នាក់ដែលជិះរថយន្តតាក់ស៊ីរៀបរាប់ឱ្យដឹងថា រថយន្តជាច្រើនគ្រឿងពិតជាមិនព្រមចូលទៅចតនៅក្នុងចំណតនោះ គឺចតនៅតែក្បែរៗផ្លូវជាតិដើម្បីស្រួលហៅម៉ូយ ធ្វើឱ្យប៉ះពាល់ដល់សណ្តាប់ធ្នាប់ផ្លូវថ្នល់ និងសោភ័ណភាពទីក្រុងយា៉ងខ្លាំង ហើយជួនកាលធ្វើឱ្យមានការកកស្ទះចរាចរណ៍ថែមទៀតផង ។ អ្នកភូមិបញ្ជាក់ថាកន្លងមកសមត្ថកិច្ចបានជួយអន្តរាគមន៍ដោយឱ្យរថយន្តទាំងនោះ ចូលទៅចតនៅខាងក្នុងចំណតបានត្រឹមត្រូវដែរ ប៉ុន្តែបើអត់មានសមត្ថកិច្ចមកពិនិត្យទេ ម្ចាស់រថយន្តទាំងនេះនៅតែបើកមកចតនៅចិញ្ចើមផ្លូវទាំងនេះដដែល ៕
ចែករំលែកព័តមាននេះ